टीम मंगळवेढा टाईम्स ।
मंगळवेढयात माणगंगा परिवार नवखा असला तरी चांगले काम करून इथल्या लोकांचा विश्वास संपादन केल्यास हा परिवार एक अग्रगण्य परिवार म्हणून नावलौकिक मिळवेल अशा सदिच्छा आ.समाधान आवताडे यांनी व्यक्त केल्या.
मंगळवेढा येथील काशिद बिल्डींगमध्ये नव्याने सुरु झालेल्या माणगंगा अर्बन परिवार को-ऑप क्रेडीट सोसायटीचा शुभारंभ प्रसंगी प्रमुख पाहुणे म्हणून ते बोलत होते.अध्यक्षस्थानी राष्ट्रवादीचे प्रदेश उपाध्यक्ष दिपकआबा साळुंखे पाटील होते.
आ.समाधान आवताडे पुढे बोलताना म्हणाले की, मंगळवेढा येथील धनश्री परिवार व यशोदा पतसंस्थेने सहकार क्षेत्रात चांगले काम करून लोकांचा विश्वास प्राप्त केला आहे असा विश्वास माणगंगा परिवारानेदेखील संपादन करावा.
इथली जनता भोळीभाबडी असली तरी प्रेमळ आहे, तुम्ही जनतेला जेवढे प्रेम दयाल त्यापेक्षा दुप्पट प्रेम जनता तुम्हाला देईल. सर्व सहकाऱ्यांच्या जोरावर हा परिवार भविष्यात निश्चितच भरारी घेईल.
माजी आमदार दिपकआबा साळुंखे पाटील बोलताना म्हणाले की, सांगोल्यात दूध चळवळीत माणगंगा परिवाराचे योगदान मोठे आहे. मंगळवेढयातही त्यांनी दुध प्रकल्प सुरु करावा हॅटसनसारखा मोठा प्रकल्प परराज्यात गेला आहे.
मोठमोठे प्रकल्प आल्यास स्थानिक गरीब लोकांना रोजगार मिळू शकतो त्यामुळे अशा प्रकल्पांचे जनतेने स्वागत केले पाहिजे.
सांगोल्यातील सहकाऱ्यांनी माणगंगा चळवळ उभारली आहे त्यांची धडपड आहे. आकर्षक व्याजदराला भुलून गुंतवणूक करून अडचणीत येण्यापेक्षा व्याज दर कमी असेल तर चालेल परंतू संस्था चालविणारी माणसे कोण आहेत हे ठेवीदारांनी तपासले पाहिजे.
हे आमदार इथली जनता भोळीभाबडी आहे म्हणूनच समाधान आवताडे झाले . समाधानी लोकांनीच आवताडे यांचे समाधान केल्याचे आपल्या भाषणातून दिपकआबा साळुंखे पाटील यांनी सांगितले.
यावेळी सांगोल्याचे आमदार अॅड . शहाजीबापू पाटील , धनश्री परिवाराचे प्रमुख प्रा . शिवाजीराव काळुंगे यांनीही आपल्या भाषणातून माणगंगा परिवाराला शुभेच्छा दिल्या. सुरुवातीस यशोदा पतसंस्थेच्या संस्थापक चेअरमन निला अटकळे यांच्या हस्ते श्री लक्ष्मीच्या प्रतिमेचे पूजन करण्यात आले. त्यानंतर सर्व मान्यवरांच्या हस्ते दीपप्रज्वलन करण्यात आले.
सुरुवातीस माणगंगा परिवाराचे प्रमुख नितीन इंगोले यांनी प्रास्ताविकातून आपली भूमिका मांडून सर्वांच्या विश्वासास पात्र राहून काम करणार असल्याचे सांगितले.
सुत्रसंचालन भारत मुढे यांनी केले तर संस्थेच्या चेअरमन अर्चना इंगोले यांनी आभार मानले.
या कार्यक्रमास न.पा. पक्षनेते अजीत जगताप , माजी सभापती प्रदिप खांडेकर , माजी नगराध्यक्ष भारत नागणे , दामाजीचे संचालक गोपाळ भगरे , माजी संचालक विजय माने , अभियंता नामदेव काशिद , युवक नेते गुंडादादा खटकळे ,
धनलक्ष्मीचे चेअरमन आकाश पुजारी , शोभाश्रीचे चेअरमन किरण पुजारी , जगन्नाथ रेवे , प्रताप सावंजी , मधुकर भंडगे , विष्णू भुसे , साहेबराव उगाडे , बालाजी दत्तू , प्रकाश जाधव , प्रहारचे तालुकाध्यक्ष समाधान हेंबाडे ,
संस्थेचे व्हा . चेअरमन नितीन खटकाळे, संचालक सचिन इंगोले , सुखदेव रंदवे, विवेक घाडगे , विजय वाघमोडे, धनंजय पवार, संस्थेचे सचिव स्वप्नील काळुंगे, व्यवस्थापक सतीश गायकवाड यांचेसह विविध क्षेत्रातील मान्यवर व संस्थेचे कर्मचारी उपस्थित होते.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज