पोरींनो..! तुमच्यासाठी आयुष्यभर खस्ता खाणाऱ्या बापाची मान ताठ ठेवा; प्रा.वसंत हंकारे यांचे काळजाला भिडणारे ‘हे’ शब्द ऐकून तुमच्या जीवनात बदल घडणारच

टीम मंगळवेढा टाईम्स । संपादक समाधान फुगारे 7588214814

कोणताही बाप आपल्या मुला मुलींना दर्जेदार शिक्षण मिळावे, अंगावर चांगले कपडे असावेत, त्यांची चप्पल सुद्धा फाटकी तुटके असू नये याची काळजी घेतो.

स्वतः हलाखीचे जीवन जगत पाल्यांसाठी आयुष्यभर खस्ता खाणाऱ्या बापाला आपल्यामुळे कुठेही खाली बघायची वेळ येणार नाही याची खबरदारी मुलींनी आणि मुलांनी घेतली पाहिजे असे परखड मत सुप्रसिद्ध युवा व्याख्याते व प्रेरणादायी वक्ते प्रा.वसंत हंकारे यांनी व्यक्त केले.

मंगळवेढा येथे शिक्षण प्रसारक मंडळ संस्थेच्या अमृत महोत्सव वर्ष निमित्ताने काल सकाळी इंग्लिश स्कूल प्रांगणात आयोजित करण्यात आलेल्या बाप समजून घेताना या विषयावर ते बोलत होते.

यावेळी व्यासपीठावर संस्थेचे अध्यक्ष ॲड.सुजित कदम, उपाध्यक्ष डॉ सुभाष कदम, अकॅडमिक ॲडमिनिस्ट्रेटर डॉ.मीनाक्षी कदम, सचिव प्रियदर्शनी महाडिक, सहसचिव श्रीधर भोसले, संचालिका प्रा तेजस्विनी कदम, अजिता भोसले,यतिराज वाकळे, रामचंद्र नेहरवे, ॲड.शिवाजी पाटील,

प्राचार्य राजेंद्र गायकवाड, रवींद्र काशिद, प्रा.राहुल जाधव सह राजेंद्र जाधव, अविनाश शिंदे, राजेंद्र चेळेकर, लक्ष्मण माने, कल्याण भोसले, युवराज मोरे, मारुती लवटे, माजी सैनिक संघटनेचे मलय्या स्वामी आदीजन उपस्थित होते

इंग्लिश स्कूल प्रशालेत शेकडो विद्यार्थी-विद्यार्थिनी तसेच माता-पालक मोठ्या संख्येने उपस्थित होते. कार्यक्रमाचे प्रस्ताविक अकॅडमिक प्रमुख डॉ. मीनाताई कदम यांनी केले.

पुढे बोलताना हंकारे म्हणाले की, तुम्ही कोण आहात? माझा बाप कोण आहे? माझा बाप माझ्यासाठी काय करतो? याचा विचार प्रत्येक मुलीने अंतर्मुख होऊन केला पाहिजे. एकदा तरी बाप झोपल्यावर रात्रीच्या दोन वाजता उठून त्याच्याकडे बघा. त्याच्या पॅन्ट व बनियनला चार जागेवर ठिगळं दिसतील.

मात्र तोच बाप तुम्हाला फॅन्सी व नवनवीन कपडे घालून शाळेत व काॅलेजला पाठवतो. आता आम्हाला प्रबोधनाची गरज नाही असा विचार न करता. तुमच्या आयुष्यात जो बदल घडणार आहे, त्याला परिवर्तन म्हणतात.

ते परिवर्तन झालं पाहिजे, प्रत्येक व्यक्ती बदलला पाहिजे, प्रत्येक लेकराच्या काळजामध्ये परिवर्तनाची आग लागली पाहिजे. २१ व्या शतकामध्ये मोबाईल मुळे पूर्ण पिढी बिघडत चालली असल्याची भीती त्यांनी व्यक्त केली.

त्याचबरोबर मुलींसोबतच मुलांमध्ये परिवर्तन घडवण्यासाठी हंकारे यांनी गौतम बुद्ध, राजमाता जिजाऊ, छत्रपती शिवाजी महाराज, छत्रपती संभाजी महाराज, भगतसिंग, फुले-शाहू – आंबेडकर, सावित्रीआई फुले, ताराराणी, अण्णाभाऊ साठे आदी महापुरुषांचा अंगावर शहारे आणणारा आणि क्रांतीची मशाल पेटवणारा इतिहास सादर केला.

सावित्रीच्या लेकींनो स्वतःच्या मनाला विचारा, स्वतः उपाशीपोटी, उघड-नागडं वावरत रक्ताचं पाणी करून तुम्हाला शिकवणारा तुमचा बाप समजून घ्याल का? खरंच तुम्हाला बाप समजला का? अशी काळजाला भिडणारी आर्त साद त्यांनी मुला- मुलींना घातली.

शेवटी बोलताना हंकारे यांनी सांगितले की, शाळेत चार मार्क कमी पडले तरी चालतील पण वाघासारख्या बापाला आयुष्यात कधीही मान खाली घालायला लावू नका.

‘बाप समजावून घेताना’ या विषयावर बोलत असताना अनेक उदाहरणे, काळजाला भिडणारे शब्द व प्रखर विचार आपल्या परिवर्तनवादी शब्दातून हंकारे यांनी मांडले.

यावेळी उपस्थित विद्यार्थिनी, बहुसंख्येने आलेला पालकवर्ग, महिला अक्षरशः ढसाढसा रडत होत्या. कार्यक्रमाच्या शेवटी सर्वं मुला-मुलींना डोक्यावर हात ठेवून डोळे बंद करायला लावले त्यानंतर आपल्या बापाला आठवा आणि बाबा मी तुमची मान कधीच खाली होऊ देणार नाही. समाजापुढे तुम्हाला मान खाली घालून वागावे लागेल असे कृत्य मी कधीच करणार नाही. अशी शपथ प्रा.हंकारे यांनी यावेळी विद्यार्थी-विद्यार्थ्यींनींना घ्यायला लावली.

सूत्रसंचालन बालाजी शिंदे यांनी केले तर आभार लता ओमने यांनी मानले कार्यकमाला शहरातील प्रतिष्ठित नागरिक पालक मोठ्या संख्येने उपस्थित होते.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज