मंगळवेढा टाईम्स न्युज नेटवर्क ।
राज्यातील 12 वी बोर्ड परीक्षेचा निकाल जाहीर झाला असून उत्तीर्ण विद्यार्थ्यांकडून पेढे वाटून, केक कापून हा आनंद साजरा केला जात आहे. दुसरीकडे नापास विद्यार्थ्यांना धीर देण्याचं कामही सोशल मीडियातून होत आहे.
परीक्षा ही 12 वीची होती, आयुष्याची नाही, त्यामुळे अपेक्षित यश न मिळालेल्या विद्यार्थ्यांनी खचून न जाता पुन्हा नव्याने जोमाने परीक्षेला सामोरे गेले पाहिजे.
त्यासह, परीक्षेत जरी कमी गुण मिळाले असले तरी आपल्या आवडीच्या क्षेत्रातील करिअर निवडले पाहिजे, असेही मार्गदर्शन केले जात आहेत. त्यातच, कर्नाटकच्या बागलकोटमधील एका पालकांनी आपल्या नापास मुलाच्या निकालाचा आनंद व्यक्त केल्याचा व्हिडिओ सोशल मीडियावर व्हायरल होत आहे.
बोर्डाच्या परीक्षेला भविष्याचा पाया म्हणून पाहिलं जातं. त्यामुळे, बोर्ड परीक्षेत कमी गुण मिळाले किंवा बोर्डाच्या परीक्षेत आपला मुलगा वा मुलगी नापास झाल्यास पालकांकडून रागावण्यात येते. पालकांकडून बोलणे खावे लागतात.
मात्र, कर्नाटकच्या बागलकोट येथील एका पालक दाम्पत्याने चक्क आपल्या नापास मुलाचे सेलिब्रेशन केलं आहे. विेशेष म्हणजे या विद्यार्थ्याला 10 वीच्या बोर्ड परीक्षेत केवळ 32 टक्के गुण मिळाले आहेत.
बागलकोट जिल्ह्यात राहणाऱ्या अभिषेक चोलाचगुड्डा हा येथील बसवेश्वर इंग्लिश मीडियम स्कूलचा विद्यार्थी. विशेष म्हणजे यंदा तो 10 वीच्या बोर्ड परीक्षेत शिक्षण घेत होता. त्यामध्ये, अभिषेकला 600 पैकी फक्त 200 गुण मिळाले आहेत. म्हणजे (जवळपास 32%) गुण प्राप्त झाले आहेत.
विशेष म्हणजे तो सहाच्या सहा विषयात नापास झाला आहे. त्यामुळे, त्याचे मित्र आणि काही शेजारी, नातेवाईक यांच्याकडून त्याची खिल्ली उडवण्यात येऊ लागली. मात्र, आपल्या मुलाची खिल्ली उडवणाऱ्यांना अभिषेकच्या पालकांनी चांगलीच चपराक लावली आहे.
कारण, आपल्या नापास मुलाच्या गुणवत्तेवर नाराज न होता, केक कापून आई-वडिलांनी त्याचे सेलिब्रेशन केले. तू परीक्षेत नापास झाला असशील, पण आयुष्यातील परीक्षेत होणार नाही, असे म्हणत अभिषेकला त्याच्या आई-वडिलांनी जादू की झप्पी दिली. सध्या अभिषेक आणि त्याच्या आई-वडिलांचा हा व्हिडिओ तुफान व्हायरल होत आहे.
समाजापुढे आदर्श ठेवला
एकीकडे मुलांकडून मोठ्या अपेक्षा ठेऊन एक-दोन मार्क कमी पडल्यावर पालक रागवतात. आपल्या शेजारील शर्मा अंकलच्या मुलासोबत तुलना करतात. त्यातून विद्यार्थी तणावग्रस्त होऊन नको ते पाऊल उचलतात.
मात्र, मुलांची आवड निवड जपून त्यांना हवं त्या क्षेत्रात करिअर करण्याची संधी देणारे असे पालक कमीच असतात. चोलाचगुड्डा कुटुंबीयांनी आज निकालच्या दिवशी वेगळाच आदर्श समाजात घालून दिला आहे. त्यांचं कौतुक होत असून व्हिडिओ सोशल मीडियावर व्हायरल होत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
