टीम मंगळवेढा टाईम्स ।
महाविकास आघाडी सरकारमध्ये शिक्षण राज्यमंत्री असलेल्या बच्चू कडू यांच्या प्रहार संघटनेच्या सोलापूर शहराध्यक्षांनी महसूल मधील अधिकाऱ्याला अपशब्द वापरल्याच्या निषेधार्थ महाराष्ट्र राज्य तहसीलदार नायब तहसीलदार संघटनेच्या वतीने प्रहार संघटनेच्या कोणत्याही विषयावरील निवेदनावर कार्यवाही न करण्याचा पवित्रा घेतला आहे.
या संघटनेचे सोलापूर जिल्हाध्यक्ष सुशील बेल्हेकर, सह.अध्यक्ष अमोल कुंभार यांच्या सहीने याबाबतचे निवेदन जिल्हाधिकारी मिलिंद शंभरकर यांना देण्यात आले.
या निवेदनात त्यांनी म्हटले आहे की, प्रहार संघटनेचे शहराध्यक्ष अजित कुलकर्णी यांनी जाहीर कार्यक्रमात बोलताना प्रहार संघटनेच्या प्रत्येक तालुकाध्यक्षांनी आपापल्या तहसीलदारांना ठोका,
असे चिथावणीखोर वक्तव्य जाहीर करत याची सुरुवात पंढरपूर व मोहोळच्या तहसीलदाराना ठोकून काढा असे वक्तव्य केले.
सदरचे चित्रीकरण सुरू असून मला कोण काय करत नाही, अशी मग्रूर भाषा वापरली सदर चित्रीकरण सोशल मिडियातून समाजमाध्यमात पसरवले गेले आहे, असा आरोप तहसीलदार संघटनेच्या वतीने करण्यात आला आहे.
तहसीलदार हे अर्धन्यायिक कामकाज करत असताना अनेक निर्णय घेतात अशा परिस्थितीत एखाद्या व्यक्तीच्या विरोधात निर्णय झाल्यास अशाप्रकारे चिथावणी देऊन बेकायदेशीर मार्गाचा अवलंब करण्याबाबत भडकावणे,
हे बेकायदा, बेजबाबदार वर्तन असून कायदा व सुव्यवस्थेला धोका निर्माण होण्याची शक्यता आहे.
प्रहार आयोजित कोणत्याही सभेमध्ये आमचा सदस्य सहभागी होणार नाही, असे सांगत जनतेने आपले काम व अर्ज थेट आमच्याकडे द्या आपली कामे प्राधान्याने करण्यात येईल अशी भुमिकाही या निवेदनात स्पष्ट करण्यात आली आहे.(स्रोत:सरकारनामा)
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज