मंगळवेढा टाईम्स न्युज कंपनी ।
मंगळवेढा तालुक्यातील 79 ग्रामपंचायतीच्या सरपंच पदाच्या आरक्षणाची सोडत मंगळवार दिनांक 15 जुलै रोजी काढण्यात येणार असल्याची माहिती तहसीलदार मदन जाधव यांनी दिली.
सदरचे आरक्षण यापूर्वी दिनांक 22 एप्रिल रोजी काढण्यात आले होते, परंतु मा.जिल्हाधिकारी सोलापूर यांनी दिनांक 08/07/2025 रोजी नव्याने दिलेल्या आरक्षण कार्यक्रमानुसार आता पुन्हा आरक्षण काढले जाणार आहे.
मंगळवेढा तालुक्यातील एकूण 79 ग्रामपंचायतीच्या सन 2025 ते 2030 मध्ये मुदत संपणाऱ्या ग्रामपंचायतीच्या सार्वत्रिक निवडणूकांसाठी सरपंच पदाचे आरक्षण सोडतीद्वारे निश्चित करण्यात येणार असून ही सोडत मंगळवार दिनांक 15 रोजी दुपारी 12 वाजता तहसील कार्यालयात काढण्यात येणार आहे.
या आरक्षण सोडतीमध्ये अनुसूचित जाती, अनुसूचित जमाती, नागरिकांचा मागास प्रवर्ग व सर्वसाधारण अशा प्रवर्गामध्ये सरपंच पदाचे आरक्षण निश्चित केले जाणार आहे. तसेच याचवेळी महिला सरपंच पदाचे सुद्धा आरक्षण शासकीय नियमानुसार व सोडतीद्वारे निश्चित केले जाणार आहे.
सदरची आरक्षण सोडत उपविभागीय अधिकारी बी.आर. माळी यांच्या नियंत्रणाखाली व तहसीलदार मदन जाधव यांच्या उपस्थितीत पार पाडली जाणार आहे. तरी आरक्षण सोडतीवेळी मंगळवेढा तालुक्यातील लोकप्रतिनिधी व नागरिकांनी उपस्थित रहावे, असे आवाहन तहसीलदार मदन जाधव यांनी केले आहे.
यामध्ये सन 2011 च्या जनगणने नुसार ग्रामपंचायतींची लोकसंख्या विचारात घेऊन आरक्षणाचे प्रमाण निश्चित केले जाणार आहे. सर्व राजकीय पक्षांचे प्रतिनिधी, विद्यमान सरपंच, उपसरपंच, सदस्य व सर्व इच्छुक नागरिकांना या आरक्षण सोडतीस उपस्थित राहण्याचे आवाहन तहसीलदार मदन जाधव यांनी केले आहे.
सरपंच हा जनतेतूनच निवडण्यात येणार
दरम्यान यापूर्वी आरक्षण सोडत काढण्यात आली होती. त्यानंतर ही आरक्षण सोडत पुन्हा बदलेल असं कुणाच्याही मनी ध्यानी नव्हते. त्या पार्श्वभूमीवर प्रत्येकाने आपापल्या राजकीय गॉड फादर मार्फत फिल्डिंग लावली होती. मात्र त्यावर पूर्ण पाणी फेरले, त्यामुळे आता पुन्हा नव्याने आरक्षण निघाल्यानंतर पुन्हा राजकीय गणिते जुळवावी लागणार आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
