टीम मंगळवेढा टाईम्स ।
मतदार यादीची छाननी करण्यासाठी १६ नोव्हेंबर रोजी तालुकानिहाय ग्रामसभेचे आयोजन करण्यात आले आहे.
या ग्रामसभेमध्ये मयत, स्थलांतरित, आढळून न येणारे मतदार यांच्या याद्याचे वाचन होणार आहे.
तालुकानिहाय प्राप्त मयत मतदार याद्यांचे वाचन करून मतदारांची नावे वगळण्यात येणार असल्याची माहिती जिल्हा निवडणूक अधिकारी तथा जिल्हाधिकारी मिलिंद शंभरकर यांनी दिली.
नागरिकांमध्येजनजागृती व्हावी , याकरिता जिल्ह्यातील मंदिरामध्ये संस्कार भारतीच्या मदतीने रांगोळी काढण्यात येणार आहे.
गॅस सिलिंडरवर क्यूआर कोड देण्यात आला असून , मुख्य निवडणूक अधिकारी महाराष्ट्र राज्य यांनी यंदाच्या दीपावली उत्सवाच्या निमित्ताने लोकशाही दीपावली स्पर्धा आयोजित केल्याचेही जिल्हाधिकारी यांनी सांगितले.
जिल्हाधिकारी आयोजित पत्रकार परिषदेत ते बोलत होते. या वेळी उपजिल्हा निवडणूक अधिकारी भारत वाघमारे आदी मान्यवर उपस्थित होते.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
