टीम मंगळवेढा टाईम्स ।
महागड्या सायकली चोरी केल्याप्रकरणी एका सराईत गुन्हेगाराला विजापूर नाका पोलीस ठाण्याच्या डी.बी. पथकाने अटक केली आहे.
सनी मल्लू पुजारी (वय २५, रा.सेटलमेंट फ्री कॉलनी नं.१) असे अटक करण्यात आलेल्या संशयित आरोपीचे १ नाव असून ,
त्याच्याकडून मोटारसायकल , ८ सायकली असा एकूण १ लाख २० हजार रुपये किमतीचा मुद्देमाल हस्तगत केल्याची माहिती सहायक पोलीस आयुक्त माधव रेड्डी यांनी दिली.
सोलापूर शहरात सायकली चोरी होण्याचे प्रमाण वाढले होते.यामुळे आरोपीचा तपास करत असताना एक संशयित तरुण इंदिरागांधी नगर येथील पोस्ट ऑफीसजवळ येणार असल्याची माहिती पोलिसांना मिळाली.
या माहितीवरून पीएसआय सिद्धेश्वर मुरकुटे व डी.बी स्टाफ यांनी सापळा रचून सनी पुजारी याला ताब्यात घेतले.
त्याच्या विचारपूस केली असता त्याने एक मोटारसायकल विजापूर नाका पोलीस स्टेशन हद्दीतून चोरी केली असल्याचे सांगितले.
अधिक तपास केला असता त्याने सोलापूर शहरातील विविध पोलीस ठाण्याच्या हद्दीतून ८ महागड्या स्पोर्ट्स सायकली चोरी केल्याचे सांगितले.
त्याच्या ताब्यातून चोरीची एकूण १ मोटारसायकल व ८ स्पोर्ट्स सायकली असा एकूण १ लाख २० हजार रुपयांचा मुद्देमाल हस्तगत करण्यात आला आहे.
ही कामगिरी पोलीस निरीक्षक बाळकृष्ण हनपुडे पाटील , पोलीस निरीक्षक अजय जगताप यांच्या मार्गदर्शनाखाली गुन्हे प्रकटीकरण पथकातील पीएसआय सिद्धेश्वर मुरकुटे श्रीरंग खांडेकर , सचिन हार शिवानंद भिमदे ,
अंबादास गडुम , इम्रान जमादार , अंबादास जाधव , राहुल विटकर , अमृत सुरवसे , सचिन गायकवाड , अतिष पाटील , स्वप्निल जाधव यांनी केली .
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
