सोलापूर जिल्ह्यातील शाळा ‘या’ दिवसापासून होणार सुरू; शालेय शिक्षण विभागाचा निर्णय

टीम मंगळवेढा टाईम्स ।

सोलापूर जिल्हा परिषदेच्या शाळा सोमवारपासून सुरू करण्यात येतील अशी माहिती जिल्हा परिषदेचे मुख्य कार्यकारी अधिकारी दिलीप स्वामी यांनी दिली.

शालेय शिक्षण विभागाने शाळा सुरू करण्यास गुरुवारी मंजुरी दिली आहे. आपत्ती व्यवस्थापनचे प्रमुख जिल्हाधिकारी मिलिंद शंभरकर यांच्या परवानगीने सोमवारपासून पन्नास टक्के उपस्थितीने शाळा सुरू करण्यात येणार आहेत.

शाळा सुरू करण्याबाबत पालकांची मागणी वाढली आहे. या पार्श्वभूमीवर गुरुवारी सकाळी प्राथमिक शिक्षणाधिकारी डॉ.किरण लोहार यांच्या उपस्थितीत सर्व गटशिक्षणाधिकाऱ्यांची बैठक घेऊन मते जाणून घेतली.

पालकांनी शाळा सुरू करण्याबाबत आग्रह केल्याचे मत सर्वांनी मांडले. बाजारपेठा सुरू आहेत. इतर सर्व कार्यक्रमांना परवानगी आहे.

मुलांचे शिक्षण मागे पडत चालल्याबद्दल पालकांनी चिंता व्यक्त केल्याचे स्पष्ट केल्यावर जिल्हाधिकाऱ्यांच्या परवानगीने शाळा सुरू करण्याबाबत एकमत झाले.

ही बैठक संपल्यानंतर शालेय शिक्षण विभागाचा निर्णय आला. त्यामुळे आता शाळा सुरू करण्याबाबतची अडचण संपली आहे.

कोरोनाचे नियम पाळून पन्नास टक्के उपस्थितीने शाळा सुरू करण्यात येतील. सर्व आरोग्य अधिकाऱ्यांना शाळांना नियमित भेटी देण्याबाबत सूचित करण्यात आले आहे.

जिल्हा परिषद शाळांबरोबर खासगी शाळांनाही परवानगी दिली जाणार आहे. शिक्षकांनीही शाळा सुरू करण्याच्या निर्णयाचे स्वागत केले आहे.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.

ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”

विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज