टीम मंगळवेढा टाईम्स ।
कोरोनाचा संसर्ग वाढत असल्याने शासनाने निर्बंध कठोर केले आहेत . त्यानुसार शहर व जिल्ह्यासाठीचे आदेश जिल्हाधिकारी मिलिंद शंभरकर, महापालिका आयुक्त पी. शिवशंकर यांनी स्वतंत्रपणे रविवारी रात्री जारी केले.
सोमवारपासून शहर, जिल्ह्यातील दहावी व बारावीचे वर्ग वगळता सर्व शाळा १५ फेब्रुवारीपर्यंत बंद असतील.
जिम, हेअर कटिंग सलून, खासगी व शासकीय कार्यालये ५० टक्के क्षमतेने सुरू राहणार आहेत. नियमांचे उल्लंघन केल्यास कारवाई केली जाणार आहे.
अत्यावश्यक कारणाशिवाय रात्री ११ ते पहाटे ५ पर्यंत नागरिकांना बाहेर फिरता येणार नाही. दिवसा पाचपेक्षा जास्त जणांना एकत्र येता येणार नाही.
शासकीय कार्यालयांत नागरिकांसाठी व्हिडिओ कॉन्फरन्सची सुविधा उपलब्ध करून द्यावी. शक्य असेल तर वर्क फ्रॉम होम करावे. खासगी कार्यालये ५० टक्के क्ष सुरू असतील.
गरज असेल तर २४ तास कार्यालये सुरू ठेवून टप्प्याटप्प्याने काम करावे . महिला कर्मचाऱ्यांना सुरक्षित व त्यांच्या सोयीने वेळ द्यावी.
लग्न व इतर कार्यक्रमांसाठी ५० तर अंत्यसंस्कारासाठी २० जणांना परवानगी असेल . जलतरण तलाव बंद असतील . जिम, हेअर सलून, ब्यूटी पार्लर सकाळी ७ ते रात्री १० पर्यंत ५० टक्के क्षमतेने सुरू राहतील.
खेळांची शिबिरे, स्पर्धांना बंदी असेल. मनोरंजन केंद्र, उद्यान, प्राणिसंग्रहालये बंद असतील. शॉपिंग कॉम्पलेक्स, मॉल ५० टक्के क्षमतेने सुरू असतील.
हॉटेल , नाट्यगृह , चित्रपटगृह ५० टक्के क्षमतेने सकाळी ८ ते रात्री १० पर्यंत सुरू असतील.
लसीकरण पूर्ण असेल तर बांधकाम :
लसीकरण पूर्ण केले असतील तर मालवाहतूक, बांधकाम, औद्योगिक कामकाज सुरू राहील.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
