सोलापूर जिल्ह्याच्या ग्रामीण भागामध्ये कोरोनाचा कहर हळूहळू कमी होताना दिसत आहे. आज नव्याने 182 जण कोरोना पॉझिटिव्ह असल्याचे आढळून आले आहे. Solapur city and rural areas 210 new corona in Eight people died
आज करण्यात आलेल्या चाचण्यांची संख्या अतिशय कमी होती. त्यातही 182 जण पॉझिटिव्ह रुग्ण आढळून आले आहेत. त्याचबरोबर आज कोरोनामुळे आठ जणांचा मृत्यूही झाला आहे.
सोलापूर जिल्ह्याच्या ग्रामीण भागामध्ये आज केवळ 978 जणांची तपासणी करण्यात आली होती. त्यापैकी 796 जणांचे अहवाल निगेटिव्ह तर 182 जणांचे अहवाल पॉझिटिव्ह आले आहेत.
तपासणी केलेल्यांची संख्या कमी असूनही पॉझिटिव्ह असलेल्यांची संख्या जास्त आल्याने चिंता वाढली आहे. जिल्ह्याच्या ग्रामीण भागामध्ये आतापर्यंत 28 हजार 577 जण कोरोनामुळे बाधित झाले आहेत तर 795 जणांचा मृत्यू झाला आहे.
अद्यापही कोरोनाग्रस्त झाल्याने चार हजार 101 जणांवर वेगवेगळ्या दवाखान्यांमध्ये उपचार सुरू आहेत. कोरोनामुक्त झाल्याने 23 हजार 681 जणांना घरी सोडण्यात आले आहे.
आज ‘या’ गावातील आठ जणांचे मृत्यू
करमाळा तालुक्यातील शेलगाव येथील 50 वर्षाची महिला, तपकिरी शेटफळ (ता. पंढरपूर) येथील 62 वर्षाची महिला, अर्जुंसोंड (ता. मोहोळ) येथील 47 वर्षाचे पुरुष, कोर्टी (ता. पंढरपूर) येथील 55 वर्षाचे पुरुष, दुधनी (ता. अक्कलकोट) येथील 74 वर्षाचे पुरुष,
तर अकोले बुद्रुक (ता. माढा) येथील 58 वर्षाचे पुरुष, वडाळा (ता. उत्तर सोलापूर) येथील 75 वर्षाचे पुरुष, लाईफ लाईन हॉस्पिटल शेजारी पंढरपूर येथील 67 वर्षाच्या महिलेचा आज कोरोनामुळे मृत्यू झाला आहे.
सोलापूर शहरात 28 जणांना लागण
सोलापूर महापालिका हद्दीत आज 28 अहवाल पॉझिटिव्ह आले आहेत,आजच्या अहवालानुसार 32 जण कोरोना मुक्त झाल्याने त्यांना रुग्णालयातून घरी सोडण्यात आले आहे.
आज कोरोना चाचणीचे 312 अहवाल प्राप्त झाले आहेत. त्यामधील 284 अहवाल निगेटिव्ह आले असून 28 अहवाल पॉझिटिव्ह आले आहेत. त्यामध्ये 14 महिला आणि 14 पुरुषांचा समावेश आहे.
आजच्या अहवालांमध्ये एकही व्यक्ती मृत दाखविण्यात आलेला नाही. सोलापूर महापालिका हद्दीतील एकूण कोरोना बाधितांची संख्या आता 9 हजार 166 झाली आहे.
आज नव्याने आढळलेल्या बाधितामध्ये कुंभार वेस जोडभावी पेठ, भवानी पेठेतील मराठा वस्ती, शांतीनगर देसाई नगर, अक्कलकोट रोड वरील गांधीनगर, चौपाड, आसरा येथील महाराष्ट्र बॅंक कॉलनी, विजापूर रोड, रेल्वे लाइन्स, शेळगी,
तर नवीन आरटीओजवळ, होटगी रोड, देगाव, होटगीवरील काजल नगर, एकता नगर, विजापूर रोडवरील नम्रता नगर, कुमठा नाका, बाळीवेस येथील मराठा वस्ती, भवानी पेठ येथील वर्धमान नगर, भवानी पेठेतील नागणे अपार्टमेंट, होमकर नगर जवळ, वामन नगर, मजरेवाडीतील भारत माता नगर, अभिषेक नगर, विश्राम हाउसिंग सोसायटी या ठिकाणी नव्याने कोरोना बाधित रुग्ण आढळले आहेत.
बंगला विकणे आहे.
३००० चौ.फूट एन.ए.प्लॉट , साधारण ५०० चौ.फूट मध्ये आर.सी.सी. वन बी.एच.के. बांधकाम,बोअरचे मुबलक पाणी , ज्ञानदीप शाळेपासून फक्त ५०० फुट अंतरावर , अपार्टमेंट , बँक , हॉस्पिटल , हॉलसाठी उपयुक्त ठिकाण , कारखाना रोडपासून दोन नंबरचा प्लॉट , दोन रोडटच कॉर्नर प्लॉट योग्य किंमत आल्यास त्वरीत विकणे आहे.
संपर्क:मो.नं.९८९०९८०८७७,९५६१८२११९९
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
