टीम मंगळवेढा टाईम्स ।
शिवसेना खासदार संजय राऊत यांना अखेर ईडीने अटक केली आहे. दुपारी त्यांना अंमलबजावणी संचलनालय ताब्यात घेतलं होतं. रविवारी सकाळीच ईडीचं पथक संजय राऊत यांच्या घरी पोहोचलं होतं.
साडे नऊ तास चौकशी केल्यानंतर ईडीने संजय राऊत यांना ताब्यात घेतलं आणि त्यांना ईडी कार्यालयात घेऊन आले होते.
संजय राऊत यांना आता सोमवारी सकाळी जे.जे रुग्णालयात तपासणीसाठी नेलं जाणार आहे. त्यानंतर त्यांना कोर्टात हजर केलं जाणार आहे.
काल संजय राऊत यांच्या निवासस्थानी ईडीला 11 लाख 50 हजार रुपये मिळाल्याची देखील माहिती आहे. याआधी संजय राऊत यांना ED ने चौकशीसाठी तीन वेळा समन्स बजावला होता.
मात्र ते हजर राहिले नव्हते. त्यानंतर रविवारी सकाळी ED अधिकारी थेट त्यांच्या घरी पोहोचले होते. दुपारी ताब्यात घेतल्यानंतर जवळपास 8 तासानंतर त्यांना अटक करण्यात आली आहे.
ईडीकडून केले गेलेले आरोप खोटे असल्याचं सुनिल राऊत यांनी म्हटलं आहे. आम्ही घाबरणार नाही. भाजप संजय राऊत यांना घाबरली आहे असा आरोप देखील त्यांनी केला आहे.
दुसरीकडे संजय राऊत यांच्याविरुद्ध भारतीय दंड संहितेच्या कलम 504, 506 आणि 509 अंतर्गत गुन्हा दाखल झाला आहे. स्वप्ना पाटकर यांनी आज वाकोला पोलीस ठाण्यात जावाब नोंदवला. त्यानंतर पोलिसांनी हा एफआयआर दाखल केला.
स्वप्ना पाटकर यांनी जीवे मारण्याची धमकी दिली होती अशा प्रकारची लेखी तक्रार पोलिसांना दिली होती.
दोन रिव्हॉल्वर, बँकेत कोट्यावधींच्या FD, बायको आणि स्वत:च्या नावावर मुंबईत फ्लॅट, अलिबागमध्ये जमीनी; संजय राऊत यांची एकूण मालमत्ता किती आणि ईडीने जप्त केलेली मालमत्ता किती?
शिवसेनेचे खासदार संजय राऊत (Sanjay Raut) यांना अखेर सक्तवसुली संचलनालय अर्थात ईडीने(ED)अटक केली आहे. रविवारी सकाळी सातच्या सुमारास ईडी अधिकाऱ्यांच्या पथकाने संजय राऊतांच्या विक्रोळी येथील मैत्री या निवासस्थानी धाड टाकली.
तब्बल साडे तास तासांच्या चौकशी नंतर ईडी अधिकाऱ्यांनी संजय राऊंताना ताब्यात घेत हा हाय व्होल्टेज ड्रामा संपवला आहे. पत्रा चाळ जमीन घोटाळा प्रकरणी संजय राऊतांवर ही कारवाई झाली आहे.
मात्र, या कारवाईच्या निमित्तामे पुन्हा एकदा संजय राऊतांची प्रॉपर्टी चर्चेत आली आहे. संजय राऊतांच्या नावे बँकेत कोट्यावधीच्या FD आहेत.
तर बायको आणि स्वत:च्या नावावर मुंबईत फ्लॅट तसेच अलिबागमध्ये जमीनी देखील आहेत. राज्यसभेसाठी नामनिर्देशन अर्ज भरताना राऊतांनी प्रतिज्ञापत्रावर त्यांनी त्यांची संपत्ती जाहीर केली होती. यामुळे आता संजय राऊत यांची एकूण मालमत्ता किती आणि ईडीने जप्त केलेली मालमत्ता किती? याचा हा आढावा.
राज्यसभा निवडणुकीसाठी अर्ज भरताना संजय राऊतांनी त्यांची मालमत्ता प्रतिज्ञा पत्राद्वारे जाहीर केली होती. 1 लाख 55 हजार 772 रूपयांची कॅश आणि बँकेत 1 कोटी 93 लाख 55 हजार 809 रूपये असल्याचे राऊतांनी प्रतिज्ञा पत्रात नमूद केले होते. तसेच आपल्या नावार एक वाहन असून ते 2004 मध्ये खरेदी केल्याचे राऊतांनी प्रतिज्ञा पत्रात लिहीले होते.
पत्नीकडे सोनं 729.30 ग्रॅम सोनं
पत्नी वर्षा यांच्याकडे 729.30 ग्रॅम सोनं दागिन्यांच्या स्वरूपात असल्याचे संजय राऊतांच्या प्रतिज्ञापत्रात नमूद होते.
या सर्व दागिण्यांची किंमत 39 लाख 59 हजार 500 रूपये आहे. तर एक लाख 30 हजार रुपयये किंमतीचे 1820 ग्रॅम वजनाचे चांदीचे दिगीने आहेत.
बँकेत 3 कोटी 38 लाखांची FD
संजय राऊत यांच्या नावावर बँकेत ठेवा अर्थात FD देखील आहेत. या FD 3 कोटी 38 लाख 77 हजार 666 असल्याचे त्यांनी प्रतिज्ञापत्राद्वारे जाहीर केले होते.
मालमत्तेसह संजय राऊत यांनी प्रतिज्ञापत्रात कमाई देखील नमूद केली होती. 2020-2021 या वर्षात संजय राऊतांनी 27 लाख 99 हजार 169 रूपये कमावले.
तर त्यांच्या पत्नी वर्षा यांची कमाई 21 लाख 58 हजार 790 इतकी दाखवण्यात आली आहे.
अलिबाग आणि पालघरमध्ये जमीनी, दादरमध्ये फ्लॅट आणि अवनेक व्यावसायीक अलिबागमध्ये संजय राऊतांच्या नावावर जमीनी आहेत.
तर पत्नी वर्षा यांच्या नावावर पालघरमध्ये जमीन आहे. संजय राऊत यांच्या नावे रायगडमध्ये नॉन अॅग्रीकल्चर जमीन देखील आहे. या जमिनीची किंमत साधारण 2.20 कोटी आहे. संजय राऊत आणि त्यांच्या पत्नीच्या नावे दादरमध्ये दोघांच्या नानावर एक एक फ्लॅट आहे. भांडुप आणि आरे मिल्क कॉलनीमध्ये राऊतांनी फ्लॅट घेवून ठेवले आहेत.
संजय राऊतांची 11 कोटी 15 लाखांची मालमत्ता ईडीने जप्त केलेय
पत्राचाळ घोटाळ्याप्रकरणी ईडीने संजय राऊतांवर कारवाईचा बडगा उगारला आहे.
आतापर्यंत केलेल्या कारवाईमध्ये ईडीने अलिबाग येथील जमीन आणि मुंबईतील घर जप्त केलं आहे. काही दिवसांपूर्वीच ईडीने ही कारवाई केली होती. संजय राऊतांची एकूण 11 कोटी 15 लाख 56 हजार 573 रुपयांच्या स्थावर मालमत्ता आतापर्यंत ईडीने जप्त केली आहे.
संजय राऊत यांच्या अलिबागमधील 8 प्लॉट आणि मुंबईतील एका फ्लॅटवर जप्तीची कारवाई ईडीकडून करण्यात आली आहे.(स्रोत:TV9 मराठी)
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
