मंगळवेढा टाईम्स न्युज ।
भारतीय जनता पक्षाकडून सोलापूर जिल्हा परिषद अध्यक्ष-उपाध्यक्ष निवडीबाबत अद्यापही अधिकृत घोषणा करण्यात आलेली नाही. अध्यक्षपदासाठी आघाडीवर असलेल्या
आमदार सचिन कल्याणशेट्टी यांच्या पत्नी शांभवी कल्याणशेट्टी यांनी मी नवखी असल्याने मला जिल्हा परिषद कारभार समजून घ्यायचे आहे. त्यामुळे आपण इच्छुक नसल्याचे या आधीच स्पष्ट केले असल्याचे वृत्त दिव्यमराठीने प्रसिद्ध केले आहे.
पालकमंत्री जयकुमार गोरे सोलापूर दौऱ्यावर असून, संबंधित तालुक्यांतील भाजप लोकप्रतिनिधींसोबत होणाऱ्या बैठकीत जिल्हा परिषदेच्या आगामी पदाधिकाऱ्यांसोबत अंतिम शिक्कामोर्तब होण्याची शक्यता वर्तवली जात आहे.
भाजपकडे ज्या विधानसभा मतदारसंघात आमदार नाहीत, अशा तालुक्याला पुढील अडीच वर्षांसाठी अध्यक्षपद देण्याचे धोरण अवलंबले जाऊ शकते, अशी चर्चा पक्ष वर्तुळात सुरू आहे.
सोलापूर जिल्हा परिषद अध्यक्षपदाचा निर्णय आता कोणाच्या पारड्यात पडतो, याकडे संपूर्ण जिल्ह्याचे लक्ष लागले आहे.
भाजपच्या गोटामध्ये रंगली चर्चा
आमदारकी-मंत्रीपदाच्या चर्चेमुळे सावध भूमिका आगामी विधान परिषद निवडणुका तसेच राज्यपाल कोट्यातून आमदारकीच्या शक्यतांबाबत जिल्ह्यातील काही तालुकास्तरीय नेत्यांना आश्वासने देण्यात आल्याची चर्चा आहे.
तसेच सरकारच्या उत्तरार्धात जिल्ह्यातील भाजप आमदाराला मंत्रीपद मिळण्याची शक्यता व्यक्त होत आहे. या पार्श्वभूमीवर जिल्हा परिषद अध्यक्ष, उपाध्यक्ष व सभापती पदांसाठी इच्छुक असलेल्या नेत्यांनी सध्या सावध भूमिका घेतल्याचे दिसून येते.
नेत्यांची आमदारकी किंवा संभाव्य मंत्रीपद हेच जिल्हा परिषदेतील भावी पदाधिकाऱ्यांसाठी अडसर ठरत असल्याची चर्चा भाजपच्या गोटात रंगली आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
