टीम मंगळवेढा टाईम्स ।
सकल मराठा समाजाच्या आरक्षणाच्या प्रश्नावरून राज्यभरामध्ये वेगवेगळ्या माध्यमातून आंदोलन सुरू केल्यानंतर 2 जानेवारीपर्यंत हे आंदोलन स्थगित करण्यात आल्यानंतर मंगळवेढ्यात तहसीलदार मदन जाधव यांनी त्यांच्या कार्यालयाच्या रेकॉर्ड विभागात सर्व गावाच्या दप्तराची तपासणी सुरू केली.
सकल मराठा समाजाला आरक्षण मिळावे या मागणीसाठी मनोज जरांगे पाटील यांनी आंतरवाली सराटी जि.जालना येथे आंदोलन केले. दरम्यान झालेल्या लाठीमाराने या आंदोलनाचा वनवा राज्यभर पसरला.
त्याची अधिक तीव्रत जिल्ह्यात मंगळवेढा तालुक्यामध्ये दिसून आली. स्वता. जरांगे -पाटील यांची मंगळवेढा येथे जाहीर सभा घेण्यात आली या सभेला शहर व तालुक्यातील सकल मराठा बांधवांनी मोठा उत्स्फूर्त सहभाग नोंदवला. दोन वेळा वेगवेगळ्या माध्यमातून आंदोलन करून सरकारचा निषेध व्यक्त केला.
आंदोलनामुळे मंगळवेढ्याची तीव्रता राज्यभर पोचली. सकल मराठा समाजाला कुणबी प्रमाणपत्र देण्याच्या दृष्टीने सरकारने सकारात्मकता दाखवली असून त्यातून आरक्षण देण्याच्या संदर्भात आवश्यक असणारे जुने दस्तावेज उपलब्ध करण्याच्या दृष्टीने
मंगळवेढा येथे तहसीलदार मदन जाधव यांनी जिल्हाधिकारी कुमार आशीर्वाद यांच्या आदेशानुसार स्वतंत्र कक्ष स्थापन केला असून या ठिकाणी तहसीलमध्ये रेकॉर्ड विभागात उपलब्ध असलेल्या सर्व गावाच्या दप्तराची तपासणी सुरू केली.
नोडल अधिकारी म्हणून निवासी नायब तहसीलदार चंद्रकांत हेडगिरे यांची नियुक्ती केली.यासाठी उपविभागीय अधिकारी यांच्या अध्यक्षतेखाली समिती गठित केली असून या समितीमध्ये तहसीलदार, गटविकास अधिकारी, गटशिक्षणाधिकारी, पोलीस निरीक्षक, पोलीस निरीक्षक (उत्पादन शुल्क), उपअधीक्षक भूमी अभिलेख, उपनिबंधक सहकारी संस्था, मुख्याधिकारी यांचा यामध्ये समावेश केला.
कागदपत्रे मोडी लिपीतील असतील तरी तपासून घेण्यात येतील
मंगळवेढा तालुक्यातील नागरिकाकडे कुणबी, कुणबी – मराठा किंवा मराठा- कुणबी या संदर्भांतील कागदपत्रे उपलब्ध असतील तर त्याची वैधता तपासणीसाठी घेऊन यावे. कागदपत्रे मोडी लिपीतील असतील तरी तपासून घेण्यात येतील. मदन जाधव, तहसीलदार मंगळवेढा
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
