टीम मंगळवेढा टाईम्स ।
शिवसेना वैद्यकीय मदत पक्षाच्या सोलापूर जिल्हा उपप्रमुख पदाची जबाबदारी मी सक्षमपणे पार पाडून तालुक्यातील प्रत्येक गरजू रुग्णांना मदत मिळवून देण्यासाठी कटबद्ध राहील, असे प्रतिपादन नवनियुक्त जिल्हा उपप्रमुख संजय गेजगे यांनी केले.
निवडीनंतर सोलापूर येथे संजय गेजगे यांचा शिवसेना जिल्हा संपर्कप्रमुख प्रा.शिवाजीराव सावंत यांनी सत्कार करून पुढील कार्यास शुभेच्छा दिल्या.
याप्रसंगी शिवसेना जिल्हाप्रमुख मनीष काळजे, चरणराज चवरे, अमोल मनोज शेजवाल आदीजन उपस्थित होते.
शिवसेना वैद्यकीय मदत पक्षाच्या वतीने विविध आरोग्य शिबिरे घेणे, गोरगरीब गरजू रुग्णांना मोफत उपचार करून देणे, शासकीय योजनेचा लाभ मिळवून देणे ही जबाबदारी दिली आहे.
या निवडीनंतर बोलताना संजय गेजगे म्हणाले की, ‘रुग्ण सेवा हीच ईश्वर सेवा’ असे समजून इथून पुढे काम करणार असून मंगळवेढा तालुक्यातील व सोलापूर जिल्ह्यातील गरजू रुग्णांना मदत मिळवून देण्यासाठी कटिबद्ध असल्याचे त्यांनी सांगितले.
या निवडीबद्दल आमदार समाधान आवताडे, महाराष्ट्र शासन वैद्यकीय मदत कक्ष प्रमुख मंगेश चिवटे, माजी गटशिक्षणाधिकारी ज्ञानदेव जावीर, हैदर केंगार,
माजी सरपंच ज्ञानेश्वर भंडगे, अखिल भारतीय होलार समाज संघटनेचे राज्य संपर्कप्रमुख मधुकर भंडगे, दादासाहेब गेजगे, माजी उपसरपंच किशोर भंडगे यांनी अभिनंदन केले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
