टीम मंगळवेढा टाईम्स।
तु माझ्या प्रियसी बरोबर का लग्न केलस अशी विचारणा करत लग्नानंतर पत्नी बरोबर देवदर्शनासाठी आलेल्या नवरदेवास दोघांनी मिळून मारहाण करत जखमी केलं. ही घटना मंगळवेढा तालुक्यातील शिवणगी येथे घडली आहे.
सौरभ बळवंत वाघमोडे ( रा.गावडेवाडी ) अस मारहाण झालेल्या नवरदेवाचा नांव आहे. सौरभ हा पत्नीसह महालिंगराया देवस्थानात दर्शनासाठी आला होता.
दर्शन करून परतत असताना शिवणगी सोड्डी रस्त्यावर त्यांना आरोपी संतोष बाळू सुंटे व बाळु बिराप्पा सुंटे यांनी आडवलं.
यावेळी संतोष याने तु माझ्या माल सोबत लग्न केलस अस म्हणत सौरभ वाघमोडेस डोक्यात कशानेतरी मारहाण करून जखमी केले.
भांडणे का करता विचारणा केल्याप्रकरणी महिलेच्या डोक्यात दगड घालून केले जखमी; दोघांविरूध्द गुन्हा दाखल
घराशेजारी राहणाऱ्यांना तुम्ही आमच्यासंगे का भांडता अशी विचारणा केल्याप्रकरणी रुक्मिणी राजाराम ढेकळे ( वय ३५ ) हिच्या डोक्यात दगड घालून गंभीर जखमी केल्याप्रकरणी दादा रामा दुधाळ , सुभद्रा रामा दुधाळ ( रा .देगाव ) या दोघांविरूध्द गुन्हा दाखल झाला आहे.
पोलिस सुत्रांनी दिलेली माहिती अशी , यातील जखमी फिर्यादी रुक्मिणी राजाराम ढेकळे ( रा . देगाव ) यांनी दि .७ रोजी सायंकाळी ५.०० वाजता फिर्यादी व तीचे पती असे दोघे मिळून शेजारी राहणारे वरील आरोपी यांना तुम्ही नेहमी आमचेबरोबर का भांडता तसेच आरोपी दादा दुधाळ हा दारू पिवून शिवीगाळ करतो असे आरोपीच्या आई सुभद्रा हिस समजावून सांगत असताना फिर्यादीच्या पतीस शिवीगाळ ,
दमदाटी करून हाताने व लाथाबुक्याने मारहाण केली.
तसेच फिर्यादीच्या डोक्यात पाठीमागील बाजूस दगड मारून गंभीर जखमी केले असल्याचे दिलेल्या तक्रारीत म्हटले आहे.
दरम्यान , पोलिसांनी जखमी फिर्यादीस उपचारासाठी ग्रामीण रुग्णालयात दाखल केले असून प्रथमोपचार करून जखमीस सोलापूर येथील शासकीय रुग्णालयात उपचारासाठी जाण्यासाठी सल्ला दिला आहे.याचा तपास पोलिस करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज