दुष्काळ निकषांचे फेर सर्वेक्षण करण्यासाठी प्रशांत परिचारक यांचा पुढाकार; मंगळवेढा, पंढरपूर तालुक्यासाठी फडणवीस यांच्याकडे केली ‘ही’ मागणी

टीम मंगळवेढा टाईम्स। 

दुष्काळ निकषांचे फेर सर्वेक्षण करून पंढरपूर मंगळवेढा या दोन्ही तालुक्याला दुष्काळाचा ट्रिगर टू लागू करण्याची मागणी माजी आमदार प्रशांत परिचारक यांनी उपमुख्यमंत्री देवेंद्र फडणवीस यांच्याकडे केली आहे.

यंदाच्या पावसाळ्यात पंढरपूर मंगळवेढा तालुक्यांमध्ये सरासरीच्या निम्माही पाऊस झाला नाही. पैसेवारी पन्नासपेक्षा कमी असतानाही महामदत प्रणाली द्वारे केलेल्या चुकीच्या सर्वेक्षणामुळे दोन्ही तालुक्याचा दुष्काळी तालुक्यात समावेश झालेला नाही.

याअनुषंगाने महाराष्ट्र राज्याचे उपमुख्यमंत्री देवेंद्र फडणवीस यांच्याकडे पंढरपूर मंगळवेढा दुष्काळग्रस्त तालुक्यांना दिलासा देण्याची मागणी केली.

पंढरपूर मंगळवेढा तालुक्यामध्ये पावसाळ्यात अत्यल्प पर्जन्यवृष्टी झाली आहे. पावसाचे अनेक दिवस खंड पडल्यामुळे खरीप हंगाम वाया गेला आहे. त्यामुळे सध्या चाऱ्याची परिस्थीती गंभीर झाली आहे.

दोन्ही तालुक्यातील ओढे, नाले, तलाव, विहीरी हे नैसर्गिक स्त्रोत पावसाने न भरल्यामुळे कोरडे पडलेले आहेत. तसेच येथील शेतकरी व नागरिकांना पिण्याच्या पाण्यासाठी व जनावरांच्या चाऱ्यासाठी वणवण होत आहे. त्यासाठी जनावरांसाठी चारा छावणी सुरू करण्याची ही मागणी पत्राद्वारे केलेली आहे.

राज्यातील ज्या तालुक्यांमध्ये सरासरीच्या निम्याने किंवा अत्यल्प पाऊस झाला आहे. पावसाचा खुप दिवसांचा खंड, जलस्तरावरील घट, पीक पेरा आणि उत्पादनातील निम्यांहून अधिक घट, पीक वाया जाणे, चाऱ्याची गंभीर स्थिती,

पिण्याच्या पाण्याची टंचाई, पाणी पुरवठ्याच्या जलस्त्रोतांची सद्यस्थिती याबाबींचा विचार करून राज्यातील अनेक तालुक्यांमध्ये दुष्काळाचा ट्रिगर टू लागू केला आहे.

पंढरपूर मंगळवेढा या दोन्ही तालुक्याचे महामदत प्रणाली द्वारे फेर सर्वेक्षण करून दुष्काळग्रस्त तालुक्यामध्ये समावेश करावा अशी आग्रही मागणी प्रशांत परिचारक यांनी उपमुख्यमंत्री देवेंद्र फडणवीस यांच्याकडे केली आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज