टीम मंगळवेढा टाईम्स ।
आषाढी वारी कालावधीमध्ये पंढरपूर शहरातील मांस, मटण, मासे, मद्य विक्री व प्राणी कत्तल यावर बंदी घालण्यात आल्याचे आदेश अपर जिल्हादंडाधिकारी भारत वाघमारे यांनी जारी केले आहेत.
आदेशात म्हटल्यानुसार, पंढरपूर शहरामध्ये 19 ते 24 जुलै 2021 या कालावधीमध्ये आषाढी वारी होत असून, वारीमध्ये अनेक भाविक येत असतात. शहरातील कायदा व सार्वजनिक सुव्यवस्था राखण्यासाठी 19 ते 24 जुलै 2021 या कालावधीत मांस, मटण, मासे, मद्य विक्री आणि प्राणी कत्तल यावर बंदी घालण्यात आली आहे.
फौजदारी प्रक्रिया संहिता 1973 चे कलम 144 चे आदेश लागू करण्यात आल्याची माहिती भारत वाघमारे यांनी दिली.
पंढरपूरात बंदी आदेश जारी, वाहनांना नो एन्ट्री; आषाढीनिमित्त जिल्हाधिका-यांचा निर्णय
एक महत्त्वाची बातमी हाती येत आहे . आषाढी वारीच्या पार्श्वभूमीवर कोरोना प्रतिबंधात्मक उपाय म्हणून जिल्हाधिकारी मिलिंद शंभरकर यांनी पंढरपूरात संचारबंदीचे नियम लागू केले आहेत .
पंढरपूर शहरात एसटी , खाजगी बस सेवांना 17 ते 25 जुलै 2021 पर्यंत येण्यास आणि जाण्यास बंदी घालण्यात आली आहे . दि . 19 ते 24 जुलै 2021 या कालावधीत पंढरपूरात आषाढी वारी होत अाहे .
एरव्ही या वारीसाठी १२ ते १३ लाखांहून अधिक भाविक जमत असतात . इतिहासात मागील लॉकडाऊन काळात ही परंपरा खंडित झाली आहे . यंदाही वारक – यांना यात्रेसाठी प्रवेश नाकारण्यात आला आहे .
पंढरपूरात भाविक मोठ्या प्रमाणावर आले तर शहरात कोविड 19 चा संसर्ग वाढून मानवी जिवीतास धोका निर्माण होऊ शकतो , यामुळे एसटी आणि खाजगी बस सेवेवर बंदी घालण्यात येत असल्याचे आदेशात म्हटलेय .
चारीबाजुंनी नाकाबंदी पंढरपूर शहर आणि आजूबाजूच्या गावातून भाविक / नागरिकांना वारीसाठी , पादुकांचे दर्शनासाठी , श्री विठ्ठल मंदिर परिसरात दर्शनासाठी आणि चंद्रभागेमध्ये स्नानासाठी मनाई करण्यात आली आहे .
पंढरपूर शहर आणि गोपाळपूरसाठी 18 जुलैच्या सकाळी 6 वाजलेपासून ते 24 जुलै 2021 च्या सायंकाळी 4 वाजेपर्यंत , शहरातील नगरप्रदक्षिणाचे आतील बाजूस , सर्व घाट , वाळवंट परिसर , मंदिर परिसर 18 जुलैच्या सकाळी 6 वाजलेपासून ते 25 जुलै 2021 च्या सायंकाळी 4 वाजेपर्यंत आणि भाटुंबरे ,
चिंचोळी भोसे , शेगाव दुमाला , लक्ष्मी टाकळी , वाखरी , कोर्टी , गादेगाव , शिरढोण , कौठाळी या ग्रामपंचायत हद्दीत 18 जुलैच्या सकाळी 6 वाजलेपासून ते 22 जुलै 2021 च्या सकाळी 6 वाजेपर्यंत मनाई आदेश राहणार आहेत .
अत्यावश्यक सेवेसाठी सूट जिल्हाधिका – यांनी काढलेले हे आदेश अत्यावश्यक सेवेतील अधिकारी , कर्मचारी , मंदिर समिती पासधारक किंवा परवानाधारक व्यक्ती , कर्तव्यावर असणारे शासकीय अधिकारी आणि कर्मचारी , वारीसाठी शासनाने परवानगी दिलेल्या मानाच्या पालख्या व सोहळे , जीवनाश्यक वस्तू व सेवा यांना लागू राहणार नाहीत .
कायदा मोडणा – यांवर कडक कारवाई आदेशाचे उल्लंघन करणारी व्यक्ती / संस्था अथवा संघटना यांच्यावर आपत्ती व्यवस्थापन अधिनियम 2005 , साथरोग नियंत्रण कायद्यातील तरतुदी आणि इतर कायद्यानुसार कारवाई करण्यात येणार असल्याचे आदेशात नमूद करण्यात आले आहे .
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
