टीम मंगळवेढा टाईम्स।
लोकसभेच्या निवडणुकीत विरोधकांनी खोटारडेपणा करून निवडणूक जिंकली, असा आरोप भाजप प्रदेशाध्यक्ष चंद्रशेखर बावनकुळे यांनी शनिवारी पंढरपुरातील पत्रकार परिषदेत केला. यावेळी माजी आमदार प्रशांत परिचारक आणि आ.समाधान आवताडे हे एकत्र दिसले.
गेल्या अनेक महिन्यांपासून आवताडे आणि परिचारक गटातील अंतर्गत वाद प्रचंड पेटला होता. दोन्ही गटाचे कार्यकर्ते सोशल मीडियावर विचित्र पद्धतीने एकमेकांवर टीकाटिपण्णी करीत होते.
मंगळवेढ्याचा श्री संत 5 दामाजी कारखानाही परिचारकांच्या कार्यकर्त्यांनी समविचारी गटाच्या नावाखाली आवताडे यांच्याकडून हिसकावून घेतला होता.
कारखान्याप्रमाणेच विधानसभेलाही आवताडे गटाला हिसका दाखविणार, अशी भाषा परिचारक गटाच्या कार्यकर्त्यांकडून केली जात होती. शनिवारी दुपारी बावनकुळे यांनी पंढरपुरात दोघांमध्ये दिलजमाई करण्याचा प्रयत्न केला.
स्वतःच्या पत्रकार परिषदेला या दोघांनाही एकत्र घेऊन त्यांनी पत्रकारांच्या प्रश्नांना उत्तरे दिली परिचारक महायुतीसोबतच राहतील, असा विश्वासही त्यांनी व्यक्त केला.
एकावेळी सगळ्याचं समाधान होऊ शकत नाही. एकाच समाधानाचं समाधान होऊ शकते, अशी कोटीही यावेळी परिचारक यांनी केली. मात्र, यावेळी परिचारकांचा चेहरा बरंच काही सांगून गेला.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
