टीम मंगळवेढा टाइम्स।
मंगळवेढा संतनगरीत गेल्या ४० वर्षांपासून निर्माणाधीन असलेल्या नवमंदिरात श्री रिद्धी सिद्धी महागणपती मूर्ती, इतर देवी-देवतांसह ५१ साधू-संतांच्या मूर्तीची विधिवत प्राणप्रतिष्ठा तसेच कलशारोहण व ध्वजस्तंभारोहण सोहळा बुधवारी दि.१४ रोजी होत आहे.
मुंबईच्या श्री विठ्ठल रुक्मिणी वेद पाठशाळचे आचार्य वेदमूर्ती प्रसाद जोशी व आचार्य वेदमूर्ती हषिकेश जोशी यांच्या मार्गदर्शनाखाली विधिवत होत आहे.
या सोहळ्यानिमित्त आज सोमवार पासून धार्मिक विधीला सुरुवात होत आहे, अशी माहिती मंदिराचे अशोक कोळी व लता कोळी यांनी दिली. त्यानिमित्ताने दि. १२ ते १४ फेब्रुवारीदरम्यान तीन दिवस विविध सांस्कृतिक कार्यक्रम होणार आहे.
तरी आपल्या मंगळवेढा शहराच्या लौकिकात भर घालणाऱ्या तीन दिवसाच्या या महासोहळ्यास आपण सहकुटुंब सहपरिवार उपस्थित राहावे. भक्तांसाठी महाप्रसाद आहे. श्री रिद्धी सिद्धी महागणपती प्राणप्रतिष्ठा सोहळा समितीच्या वतीने करण्यात आले.
स्थापित देवतांचे पूजन, भजन, कीर्तन
मंगळवारी (दि. १३) सकाळी ७ ते ९ स्थापित देवता पूजन, प्रधान होम, सर्व देवी देवतांचे प्रधान होम, दुपारी १२ ते ३ भजन – समस्त मंगळवेढा शहर व तालुका पुरुष भजनी मंडळाचे सादरीकरण, दुपारी ३ ते ६ प्रधान होम संत मूती स्थापना, सायंपूजा व आरती, सायंकाळी ७ ते ९.३०: बाल कीर्तनकार श्री चैतन्य महाराज राऊत यांचे कीर्तन होणार आहे.
सोमवारी गणेश पूजन, पुण्यवचन, संत प्रतिमांची मिरवणूक
आज सोमवारी (दि. १२) सकाळी ७ ते ९ आरंभ संभारदान, दशरुणान, प्रायश्चित्त होम, शांती होम, प्रधान संकल्प, श्री गणेश पूजन, पुण्यवचन, मातृत्व पूजन, नांदी श्राध्द, आचार्यवणी आणि उदकशांती. सकाळी ९ ते १२ : श्रींच्या प्रतिकात्मक व देव देवतांच्या, साधू संतांच्या प्रतिमांची शहरातून मिरवणूक,
दुपारी १२ ते ३: भजन- शहर व तालुक्यातील सर्व महिला भजनी मंडळ सहभाग. दुपारी १२ ते सायंकाळी ६: मंडप पूजन, देवता स्थापना, अग्निस्थापना, जलाधिवास, ग्रहयज्ञ, शय्याधिवास, धान्याधिवास सायंपूजा व आरती. सायंकाळी ७.०० ते ९.३० : गायक ज्ञानेश्वर मेश्राम यांचा भक्ती संगीत रजनी.
महागणपतीची प्राणप्रतिष्ठापना, कलशारोहण, ध्वजारोहण
बुधवारी (दि. १४) सकाळी ११.५० ते १२.२० स्थापित देवता पूजन, श्री रिघ्दी सिध्दा महागणपती व सर्व देवी देवतांच्या मूर्तीची भव्य प्राणप्रतिष्ठा करण्यात येणार आहे. दुपारी १२:२० ते १ कलशारोहण व सर्व देवी देवतांच्या शिखरावर ध्वजारोहण विश्व हिंदू परिषद सत्संग प्रमुख हस्ते दादासाहेब वेदक व प्रती देह श्री जगद्गुरू तुकोबाराय पावनधाम संस्थान, केज (जि. बीड) चे अध्यक्ष महादेव महाराज बोराडे शास्त्री यांच्या हस्ते होणार असून दुपारी १२.३० ते २ या वे वेळेत बलिदान, पूर्णाहुती, महाआरती व महाप्रसाद, सायंकाळी ६.३० ते ७ : दादासाहेब वेदक, महादेव महाराज बोराडे शास्त्री यांच्या हस्ते विशेष सत्कार, सायंकाळी ७ ते ९: केज, (जि. बीड) चे अध्यक्ष महादेव महाराज बोराडे शास्त्री यांचे कीर्तनाने सांगता.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
