टीम मंगळवेढा टाईम्स ।
मंगळवेढा तालुक्यातील बालाजीनगर येथून अपहरण झालेल्या त्या अल्पवयीन मुलीचा मोबाईल लोकेशनवरून शोध लावण्यात बोराळे बीटच्या पोलिसांना यश आले आहे.
दरम्यान, मागील पंधरा दिवसांपूर्वी तिला फूस लावून पळवून नेल्याची घटना घडली होती. त्या अपहरण केलेल्या मुलीला पोलिसांनी आई – वडिलांच्या ताब्यात दिले आहे.
बालाजीनगर येथून एका अल्पवयीन मुलीला १३ ऑक्टोबर रोजी फूस लावून पळवून नेल्याचा गुन्हा तिच्या आईच्या तक्रारीवरून दाखल होता.
तपासिक अंमलदार तथा पोलीस हवालदार महेश कोळी यांनी पोलीस निरीक्षक जोतिराम गुंजवटे , सहायक पोलीस निरीक्षक सत्यजित आवटे यांच्या मार्गदर्शनाखाली तसेच सायबर शाखेचे पोलीस हवालदार विनायक मोरे , सरदार अत्तार यांच्या सहकार्याने मोबाईल लोकेशन लावताच,
ती मुलगी लक्ष्मी दहिवडी परिसरात असल्याची माहिती मिळाली. दि.३० ऑक्टोबर रोजी पोलीस हवालदार महेश कोळी , महिला पोलीस कॉन्स्टेबल अंजना आटपाडकर,
पोलीस नाईक दयानंद हेंबाडे , पोलीस शिपाई सोमनाथ माने यांच्या पथकाने तेथे जाऊन त्या मुलीला ताब्यात घेतले आणि मंगळवेढा पोलीस ठाण्यात हजर केले.
आई, वडिलांना बोलावून आईचा जबाब घेऊन मुलीला त्यांच्या ताब्यात देण्यात आले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
