अनिल सावंत यांच्या वाढदिवसानिमित्त वृद्धाश्रम व बालकाश्रमात आज मिष्टाअन्न भोजनाचे आयोजन

टीम मंगळवेढा टाईम्स।

मंगळवेढा तालुक्यातील लवंगी येथील असलेल्या भैरवनाथ शुगरचे व्हा.चेअरमन अनिल सावंत यांच्या वाढदिवसा निमित्ताने आज दि.10 एप्रिल रोजी वृद्धाश्रम व बालका श्रमात मिष्टाअन्न भोजनाचे आयोजन अनिल दादा सावंत यांच्या मित्र परिवाराने आयोजन केले आहे.

नवरंगे बालकाश्रम येथे सकाळी 11 वाजता, प्रभा हिरा प्रतिष्टान संचलित पालवी प्रकल्प येथे सकाळी 11.30 वाजता तर राम कृष्ण हरी वृद्धश्रम लिंक रोड पंढरपूर येथे दुपारी 12 वाजता भोजनाचा कार्यक्रम आयोजित करण्यात आला आहे.

राज्यात अवकाळी पावसाची शक्यता; कुठे यलो तर कुठे ऑरेंज अलर्ट जारी

महाराष्ट्रात अवकाळी पावसाची शक्यता आहे. मराठवाडा आणि विदर्भातील काही ठिकाणी आज विजांच्या कडकडाटासह तुरळक पावसाची शक्यता आहे. मध्य महाराष्ट्रातही आज पावसाचा अंदाज हवामान विभागाने वर्तवला आहे.

नवीन वर्षाच्या पहिल्या दिवशी गुढीपाडव्याला विदर्भ आणि मराठवाड्यातील बहुतांश जिल्ह्यांत ढगांच्या गडगडाटासह पाऊस पडण्याची शक्यता हवामान विभागाकडून वर्तवण्यात आली आहे.

महाराष्ट्रातील अनेक भागात यलो अलर्ट देण्यात आला आहे. त्यात हिंगोली, वर्धा, धाराशिव, नांदेड, लातूर, परभणी या जिल्ह्यांचा समावेश आहे. तर अकोला, अमरावती, नागपूर आणि गोंदिया जिल्ह्यांत काही ठिकाणी ‘ऑरेंज अलर्ट’ देण्यात आला आहे. जळगाव, अहमदनगर, पुणे, सातारा, सांगली, सोलापूर या भागातही आज पावसाची हजेरी पाहायला मिळणार आहे.

विदर्भात कमाल तापमान चाळिशीच्या खाली आले आहे. मराठवाडा, मध्य महाराष्ट्रातही तुरळक ठिकाणी कमाल तापमान चाळिशीपार आहे. सोमवारी सायंकाळी साडेपाच वाजेपर्यंत सोलापूर येथे राज्यातील उच्चांकी 42 अंश सेल्सिअस तापमान नोंदले गेले. त्यामुळे उकाड्यापासून नागरिकांना काहीसा दिलासा मिळण्याची शक्यता आहे.

पावसाला पोषक हवामान झाल्याने राज्याच्या विविध भागांत ढगाळ हवामान होत आहे. ढगाळ हवामानामुळे राज्याच्या कमाल तापमानात काहीशी घट झाल्याचे दिसून आले आहे. दिल्लीतही पावसाचा अंदाज वर्तवण्यात आला आहे. बिहार, झारखंड, पश्चिम बंगाल आणि ओडिसामध्ये 9 एप्रिलपर्यंत हलक्या ते मध्यम पावसाचा इशारा देण्यात आला आहे. मात्र त्यानंतर पुन्हा एकदा तापमानात वाढ होण्याची शक्यता आहे.