टीम मंगळवेढा टाईम्स ।
मंगळवेढा तालुक्यातील बावची येथील जकराया सुंटे यांना अज्ञात मोटर सायकलने धडक दिल्याने या अपघातात त्यांचा मृत्यू झाला आहे.
याबाबत अधिक माहिती अशी की, जकराया गोपाळ सुटे (वय ७०,रा.बावची) हे त्यांच्या एम एच १३ डी.डी. ७७०६ या लुना मोटर सायकलवरून मंगळवेढा येथील काम करून परत गावाकडे जात असताना कोणत्या तरी अज्ञात मोटर सायकल चालकाने त्याची मोटर सायकल हयगयीने,अविचाराने , भरधाव मृत्यू वेगाने रोडचे परिस्थितीकडे लक्ष न देता जकराया सुंटे यांच्या मोटर सायकलला धडक देवून गंभीर जखमी केले
व त्यांचे मयतास व मोटर सायकलची मोडतोड करून नुकसान होणेस कारणीभूत ठरल्याप्रकरणी अज्ञात मोटर सायकलविरूध्द मयताचा मुलगा दत्तात्रय सुंटे यांनी पोलिसात फिर्याद दिली.
याप्रकरणी पोलिसांनी भा.दं.वि.सं. कलम २७ ९,३३८, ३०४ (अ) , मोटर वाहन अधिनियम कलम १८४/१७७,१३४ (अ) , ब प्रमाणे गुन्हा दाखल केला असून अधिक तपास पोलिस करीत आहेत.
तळसंगी येथे एकास कुन्हाडीने मारहाण
मंगळवेढा तालुक्यातील तळसंगी येथील विजय विठ्ठल दुधाळ यास शेतीच्या वाटणीच्या कारणावरून भाऊ व भावजय यांनी कु-हाड व काठीने मारहाण केली आहे.
याबाबत अधिक माहिती अशी की, विजय विठ्ठल दुधाळ दि.१६ फेब्रुवारी रोजी सकाळी ९.३० च्या सुमारास भाऊ बिरूदेव विठ्ठल दुधाळ व भावजय संगिता बिरूदेव दुधाळ यांनी वस्तीवर येवून तु तळयावरून पाईपलाईन नेली आहे.
विहिर माझ्यासाठी सोडून दे व आणखीन शेती वाटून दे असे म्हणत संगीता दुधाळ हिने तीच्या हातातील काठीने विजय यांच्या पत्नीस सर्वांगावर मारहाण केली.
त्यावेळेस विजय दुधाळ व त्यांचा मुलगा समजावून सांगत असताना बिरूदेव दुधाळ याने विजय यांच्या डाव्या हाताच्या दंडावर , पंजावर कु-हाडीने मारून जखमी केले.
व जीवे मारण्याची धमकी दिली अशी फिर्याद विजय दुधाळ यांनी मंगळवेढा पोलिसात नोंदविली.पोलिसांनी बिरूदेव दुधाळ व संगीता दुधाळ यांच्याविरूध्द भा.दं.वि.सं.कलम ३२४,५०४,५०६,३४ प्रमाणे गुन्हा दाखल केला असून अधिक तपास पोलिस करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
