मंगळवेढा टाईम्स न्युज नेटवर्क ।
बसचा प्रवास सुरक्षित मानला जातो. कुठेही बाहेर जाताना बसच्या प्रवासालाच अधिक प्राधान्य देतात. मात्र चालकांकडून प्रवाशांच्या जीवाशी खेळ केल्याच्या घटना अनेकदा समोर आल्या आहेत.
त्यात अरेरावीचे प्रकारही समोर आले आहे. यातच मुंबई ते पुणे प्रवासादरम्यान वाहन चालकाने फोनवर बोलत एका हाताने बस पळवल्याचा प्रकार समोर आला.
याची माहिती बसमधील एका प्रवाशाने ट्वीट करत मुख्यमंत्री कार्यलयाला दिली. त्या ट्वीटची दखल घेत प्रवाशांच्या जीवाशी खेळणाऱ्या ड्रायव्हरचे तात्काळ निलंबन करण्यात आले आहे.
नागरिकांमध्ये रहादारीच्या नियमांचा आभाव पाहायला मिळतो. चालकाच्या निष्काळजीपणामुळे अनेक अपघात झाल्याच्या घटना समोर आल्या आहेत. अशात मुंबई-पुणे प्रवासादरम्यान आणखी एक प्रकार समोर आला आणि साडे तीन तासाच्या आत तडकाफडकी निलंबन करण्यात आले आहे.
शिवनेरी बसचालकाचा एक फोटो समोर आला आहे. या फोटोमध्ये चालक हा फोनवर बोलत प्रवासी असलेली शिवनेरी बस चालवताना दिसत आहे. 23 मार्चला सकाळी 9.30 वाजता सदर बस दादर ते स्वारगेट बसमधील हा फोटो सोशल मीडियावर व्हायरल झाला.
सदर बस मध्ये चालकाला वारंवार सांगूनह फोनवर बोलत असल्याचं ट्विटमध्ये प्रवाश्याने लिहलं आहे. नितीन गोडबोले असे चालकाचे नाव आहे. प्रवाशाच्या तक्रारीची थेट मुख्यमंत्री कार्यालयाने दखल घेत चालकाचे निलंबन केले आहे.
मुख्यमंत्री कार्यालयाने ट्वीट करत म्हटले आहे की, चालकाचे तात्काळ निलंबन करण्यात आले आहे. तसेच पुढील कार्यवाही सुरू आहे.
मागील काही दिवसांपासून चालकाकडून असे प्रकार समोर आले आहेत. त्यातच प्रवाशांच्या जीवाशी खेळही सुरु असल्याचं दिसत आहे. या चालकांच्या अशा वागण्याने अनेक प्रवाशांचा जीव धोक्यात असल्याचं दिसत आहे.
अशा चालकांवर यापूर्वी कारवाई करण्यात आली आहे. तरीही बाकी चालकांना धाक असल्याचं दिसून येत नाही आहे. त्यामुळे अशा चालकांवर यापुढे अशीच कडक कारवाई करण्यात येणार असा सूचक इशाराचा मुख्यमंत्री कार्यालयाने दिला आहे.
मुख्यमंत्रीपदी विराजमान झाल्यापासून देवेंद्र फडणवीस यांनी एकापाठोपाठ एक धडाकेबाज निर्णयांचा सपाटा लावला आहे. यामुळे फडणवीसांचे काम पाहून नायक चित्रपटातील मुख्यमंत्री आठवतो.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
