मंगळवेढ्यातून चार दिवसांपूर्वी अपहरण झालेल्या अल्पवयीन मुलाच्या शोधासाठी ९ पथके; २० जणांचे घेतले फिंगर प्रिंट्स

टीम मंगळवेढा टाईम्स। 

मंगळवेढा शहरातील एम आय डी सी परिसरातून एका चार वर्षीय मुलाला अज्ञात व्यक्तीने फुस लावून पळवून नेल्याप्रकरणाचा तपास पोलिस अधिक्षक शिरिषकुमार सरदेशपांडे,

अतिरिक्त पोलिस अधिक्षक हिम्मतराव जाधव यांच्या मार्गदर्शनाखाली सोलापूर येथील स्थानिक गुन्हे शाखेच्या पथकासह विविध 9 पोलिस अधिकारी पथकाव्दारे

जिल्हयाच्या कानाकोपर्‍यासह अन्य राज्यात वेगाने सर्व बाजूने तपास सुरु असल्याची माहिती मंगळवेढयाच्या डी.वाय.एस.पी.राजश्री पाटील यांनी दिली.

दि.18 रोजी सायंकाळी 6.00 वा. यातील अल्पवयीन मुलगा रणवीरकुमार साहू हा मंगळवेढा एम.आय.डी.सी.च्या समोर असताना अज्ञात व्यक्तीने त्याला फूस लावून पळवून नेल्याचा प्रकार घडल्याने त्याच्या नातेवाईकांनी पोलिसांत फिर्याद दाखल केली होती.

या घटनेला तीन दिवस उलटून गेले आहेत.या घटनेमध्ये आत्तापर्यंत पोलिसांनी जवळपास 20 नातेवाईकांचे फ्रिंगर प्रिंटस घेतल्याचे सांगण्यात आले.

याच परिसरात त्या मुलाचा जेवणाचा डबा पोलिसांना मिळून आल्याने तो ताब्यात घेतला असून त्या दिशेने पोलिस तपास करीत आहेत.

पोलिस निरिक्षक रणजित माने यांच्या मार्गदर्शनाखाली घटनेनंतर पोलिस पथकाने एम.आय.डी.सी.परिसर तसेच परिसरातील ऊसाचे फड,

विहिरी,कॅनॉल आदी ठिकाणांची कसून तपासणी केली,मात्र तो बालक कुठेही मिळून आला नाही.

पोलिस या घटनेनंतर अधिकच गंभीर झाले असून एकंदरीत 9 पोलिस अधिकार्‍यांची विविध पथके तपासासाठी कार्यरत आहेत.यामध्ये सोलापूर स्थानिक गुन्हे शाखेची तीन पथक तसेच

डी.वाय.एस.पी.कार्यालयातील एक पथक,स्थानिक डी.बी.पथक त्याचबरोबर डी.वाय.एस.पी.राजश्री पाटील यांच्या मार्गदर्शनाखाली पोलिस निरिक्षक रणजित माने,

सहाय्यक पोलिस निरिक्षक सत्यजीत आवटे,अमोल बामणे,बापू पिंगळे,अंकुश वाघमोडे या अधिकार्‍यांसह पोलिस उपनिरिक्षक सलीम शेख,पोलिस शिपाई सुरज देशमुख,

पोलिस हवालदार प्रविण साळुंखे,सुनिल गायकवाड आदी अधिकारी व पोलिस कर्मचारी या घटनेत सुतावरून स्वर्ग गाठण्याचा प्रयत्न करीत आहेत.

या मुलाच्या शोधासाठी सोलापूर ग्रामीण पोलिसांचे श्‍वान पथक आले होते. हे श्‍वान पथक एम.आय.डी.सी.परिसर व त्यांच्या घराकडेच घुटमळल्याचे सांगण्यात आले.

डी.वाय.एस.पी.राजश्री पाटील व पोलिस निरिक्षक रणजित माने हे ग्राम सुरक्षा यंत्रणेव्दारे नागरिकांना सातत्याने कॉल करून या मुलाबाबत माहिती आढळल्यास पोलिसांशी संपर्क साधण्याचे आवाहन करीत आहेत.

हि पथके जिल्हयाच्या कानाकोपर्‍यासह शेजारच्या तालुक्यामध्ये व बाहेरच्या राज्यामध्ये रात्रीचा दिवस करून त्या मुलाचा कसून शोध घेत असल्याचे सांगण्यात आले.

💥

अतिरिक्त पाेलीस अधिक्षक हिंमतराव जाधव रात्री उशिरापर्यत मंगळवेढ्यात तळ ठाेकुन.सर्व पाेलीस आधिकार्याची बैठक घेऊन तपासा बाबत केल्या म्हत्वाच्या सुचना.डी.वाय.एस.पी.राजश्री पाटील,पाे.नि.रंजित माने.स्थानिक गुन्हे शाखेचे पाे.नि.सुहास जगताप यांचेसह नऊ टिमचे पाेलीस आधिकारी उपस्थित हाेते.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज