मंगळवेढा टाइम्स न्यूज ।
मंगळवेढा तालुक्याच्या राजकारणातून एक मोठी बातमी समोर येत आहे. आमदार समाधान आवताडे यांनी आपल्या राजकीय कौशल्याच्या जोरावर विरोधकांना चारीमुंड्या चितपट करत मंगळवेढ्यावर भाजपचे वर्चस्व सिद्ध केले आहे.
जिल्हा परिषद आणि पंचायत समितीच्या निवडणुकीत आवताडे गटाने ‘एकहाती’ सत्ता मिळवत विरोधकांचे बालेकिल्ले उद्ध्वस्त केले आहेत.
मंगळवेढा तालुक्यातील ४ जिल्हा परिषद गटांत भाजपच्या उमेदवारांनी दणदणीत विजय संपादन केला असून, पंचायत समितीच्या ८ पैकी ६ गणांवर कमळ फुलले आहे.
या विजयामुळे तालुक्यावर आमदार समाधान आवताडे यांची पकड अधिक घट्ट झाली असल्याचे स्पष्ट झाले आहे.
दिग्गजांना धक्का: ढोबळे आणि भालके गटाची पीछेहाट
या निवडणुकीत अनेक मोठ्या राजकीय उलथापालथी पाहायला मिळाल्या: माजी मंत्री लक्ष्मणराव ढोबळे यांना मोठा झटका बसला असून लक्ष्मी दहिवडी गटातून निवडणूक लढवणाऱ्या लक्ष्मणराव ढोबळे यांच्या कन्या कोमल ढोबळे यांना पराभवाचा धक्का सहन करावा लागला आहे.
तर भोसे गटातून दामाजी साखर कारखान्याच्या संचालक बसवराज पाटील यांना मतदारांनी नाकारले असून, या गटात आवताडे समर्थकांनी विजय मिळवला आहे.
’समाधान’कारक विजय, विरोधक गारद!
गेल्या काही काळापासून भालके आणि ढोबळे गट आवताडे यांच्या विरोधात आक्रमक पवित्रा घेत होते. मात्र, प्रत्यक्ष निवडणुकीच्या रिंगणात आवताडे यांच्या नियोजनापुढे विरोधकांचे सर्व डावपेच फोल ठरले. “तालुक्याचा विकास आणि जनतेचा विश्वास” याच जोरावर हा विजय मिळाल्याची भावना समर्थकांकडून व्यक्त होत आहे.
जिल्हा परिषद: ४ पैकी ४ जागा (भाजप विजयी)
भोसे -प्रदीप खांडेकर
लक्ष्मी दहिवडी – करुणा शिवशरण
हुलजंती – संगीता दुधाळ
संत दामाजीनगर – रमेश भांजे
पंचायत समिती: ८ पैकी ६ जागा (भाजप विजयी)
संत चोखामेळानगर – दीपाली आनंद ताड
बोराळे – जयश्री कवचाळे
हुलजंती – अर्जुन मल्लाळे
मरवडे – मोहिनी श्रीकांत गणपाटील
लक्ष्मी दहिवडी – विनायक यादव
भोसे – आप्पासाहेब निकम
रड्डे : सुरेश कांबळे (तीर्थक्षेत्र आघाडी)
दामाजीनगर : जयश्री शिंदे (तीर्थक्षेत्र आघाडी)
या विजयानंतर मंगळवेढ्यात भाजप कार्यकर्त्यांनी गुलालाची उधळण करत आणि फटाक्यांच्या आतषबाजीत मोठा जल्लोष साजरा केला.
दरम्यान, जिल्हा परिषद निवडणुकीत विरोधकांनी पत्रकार देखील बाहेरून आयात केल्यामुळे येथील स्थानिक पत्रकार नाराज होते. त्या सर्व्हेने केलेले सर्व अंदाज फेल गेले त्यामुळे सर्व्हेची विश्वासार्हता गेली असून याचा फटका देखील विरोधकांना बसला असल्याचे बोलले जात आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
