मंगळवेढा टाईम्स : संपादक समाधान फुगारे
मराठा आरक्षण आंदोलक मनोज जरांगे यांनी मुंबईत सुरू केलेल्या आंदोलनाला महाविकास आघाडीच्या अनेक आमदार खासदारांनी पाठिंबा दिल्यानंतर आता मंगळवेढा-पंढरपूरचे भाजपचे आमदार समाधान आवताडे यांनीही जरांगे यांच्या आंदोलनाला पाठिंबा देत विधिमंडळाचे विशेष अधिवेशन बोलवावे अशी मागणी केली आहे.
राज्यातील सर्वात लक्षवेधी मराठा आरक्षण आंदोलनास आजपासून सुरुवात झाली असून मनोज जरांगे पाटील यांनी आझाद मैदानात आमरण उपोषण सुरू केलं आहे. त्यांच्या उपोषणाला पाठिंबा देण्यासाठी अनेक नेते मंडळी पुढे येत असून आमदार-खासदारही सहभागी होऊन भूमिका मांडत आहेत.
त्यातच पंढरपूर-मंगळवेढ्याचे आमदार समाधान आवताडे यांनी विधानसभा अध्यक्षांना पत्र लिहिलं आहे. सकल मराठा समाजास आरक्षण मिळणेकरीता महाराष्ट्र राज्य विधीमंडळाचे एक दिवसीय विशेष अधिवेशन बोलविण्याची मागणी आमदार आवताडे यांनी केलीय.
राज्याचे विधानसभा सभापती राहुल नार्वेकर यांना पत्र लिहून आरक्षणाच्या प्रश्नावर थेट भूमिका त्यांनी घेतली. राज्यात महायुतीचे सरकार असून आवताडे हेही महायुतीमधील प्रमुख पक्ष असलेल्या भाजपचे आणि देवेंद्र फडणवीसांच्या पक्षाचे ते आमदार आहेत.
आ.समाधान आवताडे यांनी दिलेल्या पत्रानुसार, उपरोक्त विषयान्वये आपणास विनंती करतो की, महाराष्ट्र राज्यातील मराठा समाजास आरक्षण मिळाले पाहिजे यासाठी मनोज दादा जरांगे-पाटील यांच्या नेतृत्वाखाली महाराष्ट्र राज्यातील सकल मराठा समाज मुंबई येथील आझाद मैदानासह मुंबई शहरामध्ये आंदोलनासाठी पुन्हा एकदा एकवटला आहे.
मनोज दादा जरांगे-पाटील यांच्या मागणीप्रमाणे गरजवंत सकल मराठा समाजास आरक्षण मिळाले पाहिजे, अशी सकल मराठा समाजाची तीव्र मागणी आहे.
तरी मराठा समाजास आरक्षण मिळणेकरीता महाराष्ट्र राज्य विधीमंडळाचे एक दिवशीय विशेष अधिवेशन बोलविण्यात यावे ही नम्र विनंती, असे आमदार समाधान महादेव आवताडे यांनी म्हटले आहे.
आंदोलनस्थळी आमदार-खासदारांची भेट
मनोज जरांगे पाटील यांच्या आवाहनानुसार राज्यभरातून मराठा समाजाचे बांधव मुंबईत दाखल झाल्याचं पाहायला मिळालं. सकाळपासूनच मुंबईतील सीएसटी रेल्वेस्थानक आणि आझाद मैदान परिसरात मराठ्यांचा जनसागर उसळला होता. रेल्वे आणि खासगी वाहनांनी मराठा बांधव मुंबईत आले. विशेष म्हणजे न्यायालयाच्या आदेशानुसार 5000 आंदोलकांची मर्यादा होती,
पण आंदोलकांची मोठी संख्या मैदानात होती. तर, मैदानाबाहेरही तेथील परिसरात मराठा आंदोलकांच्या गर्दीमुळे वाहतूक कोंडी झाल्याचं दिसून आलं.
दरम्यान, जरांगे पाटील यांच्या आंदोलनाला पोलिसांकडून आणखी एक दिवसाची मुदतवाढ मिळाली आहे. आज दिवसभरात बीडमधील खासदार, आमदार, धाराशिवचे खासदार ओमराजे निंबाळकर यांनीही आंदोनलस्थळी भेट देत आपला पाठिंबा दर्शवला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
