टीम मंगळवेढा टाईम्स ।
मराठा आंदोलक मनोज जरांगे पाटील यांनी पुन्हा एकदा आमरण उपोषणाची घोषणा केली आहे. डॉ. बाबासाहेब आंबेडकर यांना अभिवादन करण्यासाठी चैत्यभूमीवर आले असताना त्यांनी पत्रकारांशी संवाद साधला.
यावेळी त्यांनी पुन्हा एकदा मराठा आरक्षणाच्या मुद्द्यावर आक्रमक होत सरकारला इशारा दिला आहे.
नेमकं काय म्हणाले जरांगे पाटील?
बाबासाहेब आंबेडकर आणि त्यांच्या संविधानाने न्याय दिला आहे. माझा राजकीय मार्ग नाही. मला लोकचळवळीचा मार्ग माहीत आहे. 6 जुनपर्यंत आरक्षणाचा प्रश्न मार्गी नाही लावला तर 4 जूनलाच मी आमरण उपोषणाला बसणार आहे, असं मनोज जरांगे पाटील यांनी म्हटलं आहे.
पुढे बोलताना त्यांनी म्हटलं की, विधानसभेची तयारी आम्ही जोरदार करत आहोत. गोरगरिबांचं कल्याण होणार आहे, असं यावेळी जरांगे पाटील यांनी म्हटलं आहे.
दरम्यान त्यांनी यावेळी बोलताना राज्य सरकारवर देखील जोरदार हल्लाबोल केला आहे. यांनी आमचं तर वाटोळं केलंचं आहे, यांना फक्त यांच्या महिला दिसल्या, आमच्या माता भगिणी यांना दिसत नाही.
महायुतीने आम्हाला काही दिलं नाही, महाविकास आघाडीवाले देखील शहाणे नाहीत. त्यांनी होतं ते आरक्षण घालावलं, पण आता गोरगरिबाचं कल्याण होणार असं जरांगे पाटील यांनी म्हटलं आहे.
मी निवडणूक लढणार नाही, मला माझा मराठा बांधव महत्त्वाचा आहे. मी उभा राहिलो असतो तर खासदारही झालो असतो. सगळ्या पक्षांनी आणि जाती-धर्मांनी मला पाठिंबा दिला होता. त्यांना आम्ही आरक्षणासाठी सात महिन्यांचा वेळ दिला होता,
ज्या दिवशी मुख्यमंत्र्यांनी करेक्ट कार्यक्रम करू असं वक्तव्य केलं, तेव्हापासून ते मराठा समाजाच्या मनातून उतरले असंही यावेळी जरांगे पाटील यांनी म्हटलं आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
