मंगळवेढा शहरात व ग्रामीण भागात कोरोनाचा प्रादुर्भाव आता कमी होऊ लागला आहे. मात्र, मृतांची वाढणारी संख्या चिंताजनक असून बुधवारी आलेल्या अहवालानुसार तालुक्यातील कात्राळ येथील एका पुरुषाचा कोरोनाने मृत्यू झाला आहे.
आत्तापर्यंत एकूण बळींची संख्या 41 झाली आहे तर कोरोना बाधितांची संख्या 1 हजार 429 वर गेली आहे.
शहरात व ग्रामीण भागात कोरोनाचा विळखा दिवसेंदिवस वाढतच चालला असून बुधवारी पुन्हा 6 नवे कोरोनाबाधित रुग्ण आढळून आले आहेत. तर 4 रुग्णांला उपचारानंतर घरी सोडणेत आलेले आहे.
बुधवार दि.4 नोव्हेंबर रोजी 1 नागरिकांचे स्वब ( RT – PCR ) कोरोना चाचणी अहवाल तपासणी कामी घेणेत आलेले आहेत.
तसेच दि.4 नोव्हेंबर रोजी 268 रॅपीड अॅन्टीजन टेस्ट ( RAT ) घेण्यात आलेल्या आहेत.
वरील 268 रॅपीड अॅन्टीजन टेस्ट पैकी पॉझिटिव्ह -6 आणि निगेटिव्ह 262 जणांचे अहवाल आलेले आहेत.
सदरचे नागरिक हे मंगळवेढा 4 , कचरेवाडी 1 , तळसंगी 1 येथील आहेत. सोलापूर येथे पाठविणेत आलेल्या स्वब ( RT – PCR ) मधील पॉझिटिव्ह अहवाल प्राप्त नाहीत.
मंगळवेढा तालुक्यात आतापर्यंत 1 हजार 429 रुग्ण पॉझिटिव्ह आढळले आहेत. तर 1 हजार 334 रुग्णांना उपचार कालावधी नंतर घरी सोडण्यात आले आहे. आणि आता पर्यंत 54 रुग्णांवर उपचार सुरू आहेत व आतापर्यंत 41 जणांचा मृत्यू झाला आहे.
एखाद्या व्यक्तीस कोरोना विषाणूची बाधा झाल्यानंतर त्यावर उपचार घेतल्यानंतर तो कोरोनामुक्त होतो. त्यानंतरही त्याने काळजी घेणे महत्त्वाचे आहे तसेच आरोग्यविषयक सर्व दक्षता घेणे गरजेचे आहे.
अन्यथा त्यास पुन्हा कोरोना विषाणूचा संसर्ग होऊ शकतो. कारण covid-19 व्हायरस हा चेंजेबल व्हायरस आहे.त्यामुळे भीती नको पण काळजी घ्या असे आवाहन प्रशासनाच्या वतीने करण्यात आले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
