टीम मंगळवेढा टाईम्स।
शेतीच्या कारणावरून मारहाण करून एकास चावा घेवून गंभीर जखमी केल्याच्या कारणावरून महादेव कृष्णा जाधव व अनिता महादेव जाधव या दोघांना दोषी धरून
मंगळवेढयाचे न्यायाधीश जी.एम.चरणकर यांनी एक महिना साधी कैद व एक हजार रुपये प्रत्येकी दंड,दंड न भरल्यास सात दिवस साधी कैद अशी शिक्षा सुनावली आहे.
या घटनेची हकिकत अशी,यातील जखमी फिर्यादी सुभद्रा कृष्णा जाधव,साक्षीदार दत्तात्रय कृष्णा जाधव, केशर कृष्णा जाधव हे मरवडे-चडचण रोडवरील जाधव वस्ती येथील घरासमोर दि.19 जून 2018 रोजी सायंकाळी 5.00 वा.
बसले असताना वरील आरोपीनी येवून फिर्यादीस एवढी मोठी शेती तुम्ही खाता,मला काहीतरी दया ना असे म्हणून शिवीगाळ केली.
साक्षीदार दत्तात्रय जाधव हा आईला कशाला शिवीगाळ करून मारतोस असे म्हणत असताना तु मध्ये बोलणारा कोण? असे म्हणून मारहाण केली.
व फिर्यादीच्या उजव्या हातास मनगटाजवळ चावा घेवून जखमी केले होते. तपासिक अंमलदार पोलिस नाईक हरीदास सलगर यांनी तपास करून सदर घटनेचे दोषारोपपत्र न्यायालयात दाखल केले होते.
यामध्ये फिर्यादी सुभद्रा जाधव,वैद्यकीय अधिकारी पी.आर.शिंदे,दत्तात्रय केशर यांच्या साक्षी महत्वाच्या ठरल्या. या घटनेत एकंदरीत 6 साक्षीदार तपासण्यात आले.
सरकार पक्षाच्यावतीने सरकारी अभियोक्ता अॅड.धनंजय बनसोडे यांनी काम पाहिले. तर कोर्ट पैरवी म्हणून पोलिस शिपाई राजू चंदनशिवे यांनी सहकार्य केले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज