टीम मंगळवेढा टाईम्स।
मंगळवेढा बसस्थानकासमोरील पेट्रोल पंपाजवळ हँडल लॉक करून उभी केलेली 20 हजार रुपये किमतीची मोटर सायकल चोरून नेणारा दावल बाबूलाल तांबोळी (वय 40,रा.सिध्देश्वर नगर,सोलापूर) याला
कर्नाटकामधून पकडण्यात पोलिसांना यश आले असून पोलिसांनी त्याला अटक करून न्यायालयात उभे केले असता न्यायालयाने तीन दिवसाची पोलिस कोठडी सुनावली.
या घटनेची हकिकत अशी की, यातील फिर्यादी रवी आप्पासाहेब पुजारी (रा.चडचण कर्नाटक) हे दि.2 ऑगस्ट रोजी कामानिमित्त ते मंगळवेढा येथे के ए 28 ई एम 2333 या मोटर सायकलवर आले होते.
दरम्यान त्यांचे मित्र भेटल्याने ते 11.30 वा. गाडीला हँडल लॉक करून दामाजी चौकात चहाला गेले होते. अर्ध्या तासानंतर पुन्हा परत आल्यानंतर सदर ठिकाणी गाडी दिसून आली नाही.
फिर्यादी हे कन्नड भाषेतील असल्याने त्यांना मराठी बोलता येत नव्हते. त्यांनी उडगी ता.जत येथील मराठी बोलणारे मित्र संजू पांढरे यांना
घेवून गाडीची सर्वत्र शोधाशोध केली मात्र गाडी मिळून आली नाही. या चोरीचा अधिक तपास पोलिस हवालदार एच एम पठाण हे करीत असताना त्यांना खबर्यामार्फत आरोपी हा कर्नाटकमध्ये वास्तव्य करीत
असल्याची माहिती मिळताच त्यांनी त्या ठिकाणी जावून आरोपीस ताब्यात घेतले. व न्यायालयात उभे केले असता न्यायालयाने तीन दिवसाची पोलिस कोठडी सुनावली.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
