टीम मंगळवेढा टाईम्स । समाधान फुगारे
सातारा येथील कर्मवीर भाऊराव पाटील विद्यापीठाचे प्रभारी कुलसचिव व धनंजयराव गाडगीळ वाणिज्य महाविद्यालयातील बँकिंग विषयाचे विभागप्रमुख डॉ. विजय कुंभार यांची रयत शिक्षण संस्थेद्वारे दिल्या जाणाऱ्या यशवंतराव चव्हाण आदर्श शिक्षक पुरस्कार २०२५ साठी निवड झाली असून ९ मे २०२५ रोजी
रयत शिक्षण संस्थेचे संस्थापक पद्मभूषण डॉ. कर्मवीर भाऊराव पाटील यांच्या पुण्यतिथी कार्यक्रमात संस्थेचे अध्यक्ष खा. शरदचंद्र पवार, संस्थेचे चेअरमन चंद्रकांत दळवी, व्हाईस चेअरमन अॅड. भगिरथ शिंदे, सचिव विकास देशमुख, संघटक डॉ. अनिल पाटील, संस्थेचे सर्व मॅनेजमेंट कौन्सिल सदस्य व मान्यवरांच्या उपस्थितीत दिला जाणार आहे.
या पुरस्कारासाठी त्यांची निवड झाल्याबद्दल कर्मवीर भाऊराव पाटील विद्यापीठाचे कुलगुरू डॉ.ज्ञानदेव म्हस्के, विद्यापीठाचे अधिकारी, संचालक, स्टाफ यांनी त्यांचे अभिनंदन केले.
रयत शिक्षण संस्थेच्या विविध महाविद्यालयात कार्यरत असणाऱ्या प्राध्यापकांनी केलेल्या अध्यापन, संशोधन, विस्तार सेवा, विद्यार्थी व समाजोपयोगी प्रकल्पात केलेल्या उल्लेखनीय कार्याबद्दल यशवंतराव चव्हाण आदर्श शिक्षक पुरस्कार दिला जातो.
डॉ.विजय कुंभार हे गेली २० वर्षे रयत शिक्षण संस्थेच्या विविध महाविद्यालयात अर्थशास्त्र व बँकिंग विषयाचे प्राध्यापक म्हणून कार्यरत असून त्यांनी बँकिंग या विषयातून पीएच.डी संपादित केलेली आहे, त्यांचे बँकींग व अर्थशास्त्र या विषयातील ७० पेक्षा अधिक शोधनिबंध विविध राष्ट्रीय व आंतरराष्ट्रीय जर्नल्स मधुन प्रकाशित झाले आहेत.
इलेक्ट्रॉनिक बँकिंग व ग्राहक समाधान या विषयात त्यांनी केलेले संशोधन उल्लेखनीय असून इलेक्ट्रॉनिक बँकिंग तथा मोबाईल बँकिंग सेवांचा दर्जा तपासणे व त्यामधून ग्राहक समाधानाचे मोजमाप करणे याबाबत त्यांनी विशेष संशोधन केलेले आहे.
धनंजयराव गाडगीळ वाणिज्य महाविद्यालयातील बँकिंग स्पर्धा परीक्षा मार्गदर्शन केंद्र व बँक मॅनेजमेंट विभागाच्या माध्यमातून तरुण-तरुणींना बँकिंग क्षेत्रात रोजगार विषयक संधी उपलब्ध करून देण्यासाठी त्यांचे विशेष योगदान आहे.
या यशाबद्दल आमदार समाधान आवताडे, श्री संत दामाजी सहकारी साखर कारखान्याचे अध्यक्ष शिवानंद पाटील आदींनी त्यांचे अभिनंदन केले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
