टीम मंगळवेढा टाईम्स ।
मंगळवेढा तालुका पत्रकार संघ व देशसेवा (एन.जी.ओ) व लक्ष्मी एफ.पी.ओ यांच्या संयुक्त विद्यमाने आज मंगळवार दि.१२ जानेवारी स्वामी विवेकानंद यांच्या जयंती निमित्ताने छत्रपती सभामंडप बेरड गल्ली, सांगोला नाका जवळ सकाळी 11 वा. बालकांना कॅडबरी वाटप करण्यात येणार असल्याची माहिती अध्यक्ष समाधान फुगारे यांनी दिली.
याप्रसंगी भाजपचे जिल्हा उपाध्यक्ष शशिकांत चव्हाण,संस्थापक अध्यक्ष दिगंबर भगरे,पक्षनेते अजित जगताप,भाजप तालुकाध्यक्ष गौरीशंकर बुरकुल,नगरसेवक प्रवीण खवतोडे यांच्यासह तालुक्यातील पत्रकार उपस्थित राहणार आहेत.
देशसेवा (एन.जी.ओ) व मंगळवेढा तालुका पत्रकार संघ , पीपल्स पाॅवर आॅफ नेशन, लक्ष्मी एफ.पी.ओ यांच्या सयुंक्त विद्यामाने कार्यक्रम आयोजित करण्यात येत आहे.
आज दि.12 जानेवारी हा युवक दिन म्हणून साजरा केला जातो. आपल्या देशातील भविष्यातील युवक हे देशसेवा तत्पर करण्यासाठी देशसेवा अभियान चालु करण्यात येत आहे. त्या निमित्ताने दर शनिवारी बालकांना कॅडबरी वाटप करण्यात येणार असल्याचे आदित्य हिंदुस्थानी यांनी सांगितले आहे.
बाळाचे पाय पाळण्यात दिसतात या म्हणी प्रमाणे आजचे बालक उद्याचे देशाचे भविष्य आहे. त्यासाठी बालकांसाठी विविध कार्यक्रम आयोजित करुन बालकांना भविष्य घडण्यासाठी प्रोत्साहन देण्यात येणार आहे.
या कार्यक्रमास सर्व बालकंनी उपस्थित राहण्याचे आवाहन मंगळवेढा तालुका पत्रकार संघाचे सदस्य व समाजसेवक आदित्य हिंदुस्तानी यांनी केले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
