मंगळवेढा टाईम्स न्युज नेटवर्क।
राष्ट्रवादीचे सर्वेसर्वा शरद पवार मंगळवेढा-पंढरपूर व माढा विधानसभा मतदारसंघात धक्कातंत्र वापरणार असल्याची चर्चा आहे. सोलापूर जिल्ह्यातील सर्वात चर्चेत असलेले माढा व मंगळवेढा-पंढरपूर मतदारसंघाचे उमेदवार जाहीर करताना पवार अनेकांना धक्का देतील, असं बोललं जात आहे.
मंगळवेढा-पंढरपूर विधानसभा मतदारसंघातही अद्याप उमेदवार जाहीर केला नसला तरी काल प्रशांत परिचारक यांची समजूत घालण्यात भाजप यशस्वी झाली आहे. पंढरपूरमध्ये भगीरथ भालके वसंतनाना देशमुख आणि अनिल दादा सावंत ही नावे चर्चेत आहेत.
मंगळवेढा-पंढरपूरसाठी ही पवार असाच धक्कातंत्र वापरण्याची शक्यता असून अनपेक्षित नाव जाहीर होण्याची शक्यता आहे. या धक्का तंत्राची लॉटरी अनिल सावंत यांना लागण्याची शक्यता आहे.
भाजपचे आर्थिक दृष्ट्या स्ट्रॉंग म्हणून ओळखले जाणारे उमेदवार आमदार समाधान आवताडे यांना तेवढ्याच ताकदीने तोंड देऊ शकणारा उमेदवार म्हणून अनिल सावंत यांच्याकडे पाहिले जात आहे. अशावेळी पवार हे पंढरपूरसाठी अनिल सावंत यांच्या नावाची घोषणा करू शकतात.
अभिजित पाटील व बबनदादांना बाजूला करत रणजितसिंह मोहितेंना मैदानात उतरवणार
महाराष्ट्राचे लक्ष लागलेल्या माढा विधानसभा मतदारसंघातून भाजपचे विधान परिषद आमदार रणजितसिंह मोहिते पाटील यांच्या नावाची घोषणा आज होण्याची शक्यता आहे . माढ्यात आमदार बबनदादा शिंदे , अभिजीत पाटील या दोघांच्या नावाची चर्चा अंतिम टप्प्यात आली असताना पवारांकडून वेगळा डाव टाकण्यात येणार असल्याची चर्चा आहे.
शरद पवार शेवटी मोहिते पाटील यांच्यावरच विश्वास ठेवण्याची शक्यता असून आमदार रणजितसिंह मोहिते पाटील यांना उमेदवारी जाहीर होण्याची शक्यता आहे.
मोहोळमध्ये रमेश कदम यांच्या कन्येला उमेदवारी
शरद पवारांची आज तिसरी उमेदवार यादी जाहीर झाली. सोलापूर जिल्ह्यातील मोहोळ विधानसभा मतदारसंघात अपेक्षितपणे सिद्धी रमेश कदम या तरुणीला उमेदवारी जाहीर करत पवारांनी आपला धक्का तंत्र वापरले आहे.
मोहोळमध्ये संजय शिरसागर , राजू खरे, माजी मंत्री लक्ष्मणराव ढोबळे अशी नावे चर्चेत असताना आणि स्वतः माजी आमदार रमेश कदम यांनी उमेदवारी मागितली असताना पवारांनी थेट कदम यांच्या कन्येलाच उमेदवारी देत सर्वांना धक्का दिला आहे.
एका बाजूला लाडक्या बहिणीच्या नावावर भाजप विधानसभेत उतरत असताना एका उच्चशिक्षित तरुणीला रिंगणात उतरवत पवारांनी अजितदादा गटाला धक्का दिला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
