धक्कादायक! लातूर येथे शिक्षणासाठी गेलेला मंगळवेढ्याचा विद्यार्थी गायब; पोलिसांकडून कसून शोध सुरू

टीम मंगळवेढा टाईम्स। 

मंगळवेढा तालुक्यातील डोणज येथील १५ वर्षीय अल्पवयीन मुलास लातूर शहराच्या शिवाजी चौकातून अज्ञात इसमाने अज्ञात कारणावरुन फुस लावून पळवून नेल्याची तक्रार मुलाच्या वडिलांनी मंगळवेढा पोलीसात दाखल केली असून त्या अपहरणकर्त्या मुलाचा पोलीस कसून शोध घेत आहेत.

या घटनेची हकीकत अशी, येथील १५ वर्षीय मुलगा हा लातूर येथील एक्सपर्ट अकादमी येथे ११ वी मध्ये शिक्षण घेत असून तो वसतिगृहात रहावयास आहे.

दि.२९ ऑगस्ट रोजी तो अल्पवयीन मुलगा आपल्या मुळगावी डोणज येथे रक्षाबंधन सणासाठी आला होता. दि.३१ ऑगस्ट रोजी मंगळवेढा येथून लातूरला जाण्यासाठी सकाळी १० वाजता मंगळवेढा बसस्थानकावरुन तो लातूकडे रवाना झाला.

रात्री ८ च्या सुमारास मुलाने मित्र परमेश्वर गणपती कोरे यास फोन करुन सांगितले की, मी लातूर मध्ये पोहचलो असून मला खर्चण्याकरिता पैसे कमी आहेत. मी तुला लातूर शिवाजी चौकातील एका दुकानदाराचा फोन पे नंबर देतो त्यावर पैसे पाठव

असे म्हणताच मित्राने २५० रुपये पाठविले व पैसे पोहचले याची खात्री करण्यासाठी कॉल केला असता सदर अल्पवयीन मुलाचा मोबाईल स्वीचऑफ लागत होता. वडिलांनी हॉस्टेलचा शिपाई आबा जाधव याच्या नंबरवर कॉल करुन चौकशी केली असता तो आला नसल्याचे सांगितले.

तद्नंतर नातेवाईकांनी व मित्रांनी लातूर शहरात सर्वत्र चौकशी केली असता तो मिळून आला नसल्याचे वडिलांनी दिलेल्या तक्रारीत म्हटले आहे. याचा अधिक तपास पोलीस करत आहेत.

महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज