मंगळवेढा टाईम्स न्युज नेटवर्क। संपादक : समाधान फुगारे
सोलापूर जिल्ह्यातील माढा मतदारसंघ व मंगळवेढा-पंढरपूर मतदारसंघाचा सस्पेन्स अजून कायम राहिला आहे. शरद पवार गटाची पहिली यादी काल जाहीर करण्यात आली आहे.
जाहीर करण्यात आलेल्या पहिल्या यादीमध्ये माढा व मंगळवेढा-पंढरपूर मतदारसंघ अजून वेटिंग वर का ठेवला आहे? याची चर्चा आता संपूर्ण जिल्ह्यामध्ये होऊ लागली आहे.
दरम्यान काल भगीरथ भालके यांनी आपला उमेदवारी अर्ज भरला असून आज वसंतनाना देशमुख हे आपला अर्ज भरणार आहेत. या दोघांनीही तुतारी मिळावी यासाठी मागणी केली आहे.
दुसरीकडे भैरवनाथ शुगरचे व्हाईस चेअरमन अनिल सावंत हे सध्या मुंबईमध्ये तळ ठोकून आहेत. त्यांनीही अर्ज घेतला असून येथे एक-दोन दिवसात अर्ज दाखल करणार आहेत.
सावंत यांच्या कार्यकर्त्यांनी अनिल सावंत हेच प्रबळ दावेदार असल्याचे सांगितले असून त्या अनुषंगाने प्रचार देखील सुरू केल्याचे दिसत आहे.
तिकडे माढयामध्येही माढ्याचा तिढा कायम असून अभिजित पाटील यांनी देखील उमेदवारी मलाच मिळणार अशी खात्री बाळगली आहे. तसा प्रचार देखील त्यांनी सुरू केला आहे. तर आमदार बबनदादा शिंदे यांचे पुत्र व आमदार रणजितसिंह मोहिते पाटील हे देखील शर्यतीत आहेत.
एक-दोन दिवसात प्रसिद्ध होणाऱ्या दुसऱ्या यादीमध्ये तरी मंगळवेढा-पंढरपूर व माढा या विधानसभा मतदारसंघातील उमेदवारी जाहीर होणार का? असा प्रश्न आता उपस्थित होत आहे.
माजी आमदार प्रशांत परिचारक यांनी अपक्ष निवडणूक लढवण्याची तयारी दर्शवली आहे. मंगळवेढा व पंढरपूर तालुक्यातील प्रमुख नेतेमंडळीच्या मॅरेथॉन बैठका सुरू असून त्यानंतर आपली भूमिका जाहीर करणार आहेत.
तर परिचारक यांचे कार्यकर्ते अपक्ष निवडणुकीवर ठाम आहेत. एक-दोन दिवसात प्रशांत परिचारक देखील आपला उमेदवारी अर्ज दाखल करू शकतात.
विद्यमान आमदार समाधान आवताडे यांचे देखील पहिल्या यादीत नाव आले नाही तेही दुसऱ्या यादीच्या प्रतीक्षेत आहेत. तर मनसेचे नेते दिलीप धोत्रे हेही एक-दोन दिवसात अर्ज भरणार आहेत.
मंगळवेढा व पंढरपूर विधानसभेची निवडणूक रंगतदार होणार असून आतापर्यंत केलेल्या विकास कामाचे मूल्यमापन जनता करणार असून ज्यांनी खरीच कामे केली आहेत. अशा उमेदवाराच्या पाठीमागे जनता राहणार असल्याचे चित्र मतदारसंघांमध्ये आहे.
एकीकडे विकास कामाच्या बड्या बड्या बाता मारून आज पर्यंत जनतेचा विश्वासघात केलेल्यांना जनता जागा दाखवून देणार असल्याचे बोलून दाखवत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
