टीम मंगळवेढा टाईम्स ।
पंतप्रधान नरेंद्र मोदी यांच्या हस्ते काल गुरुवारी (दि.२६) दूरदृश्य प्रणालीद्वारे पुणे येथून सोलापूर विमानतळाचा उद्घाटन सोहळा होणार होता. पंतप्रधान मोदी यांचा गुरुवारचा पुणे दौरा रद्द झाला आहे.
त्यामुळे हा उद्घाटन सोहळादेखील लांबणीवर पडला आहे. दुसरीकडे ऑक्टोबर मध्ये होटगी रोड विमानतळावरून विमान टेक ऑफ करण्यासाठी विमान कंपन्यांशी बोलणी सुरू असल्याची माहिती जिल्हा प्रशासनातील अधिकाऱ्यांनी दिली.
या कार्यक्रमाचे थेट प्रक्षेपण होटगी रोड विमानतळावर होणार होते. त्याची तयारी विमानतळ प्रशासनाकडून झाली होती. त्यासाठी शंभर जणांना निमंत्रित करण्यात आले. गुरुवारी सकाळीच पंतप्रधानांचा दौरा रद्द झाल्याची माहिती पसरली. त्यानंतर उद्घाटन सोहळाही रद्द करण्यात आला.
मुख्यमंत्र्यांचा दौरा सहाव्यांदा पुढे ढकलला, आता ६ ऑक्टोबरचे नियोजन
मुख्यमंत्री माझी लाडकी बहीण योजनेच्या लाभार्थीना अनुदान वाटप करण्यासाठी मुख्यमंत्री एकनाथ शिंदे हे बुधवार, २५ सप्टेंबर रोजी सोलापुरात येणार होते. हा दौरा स्थगित झाला. त्यानंतर २९ सप्टेंबरला त्यांचा दौरा नियोजित होता.
हाही दौरा रद्द झाला असून, आता ६ ऑक्टोबरला मुख्यमंत्री एकनाथ शिंदे हे सोलापूर दौऱ्यावर येणार असल्याची माहिती जिल्हाधिकारी कुमार आशीर्वाद यांनी दिली.
या आठवड्यात पंतप्रधान नरेंद्र मोदी तसेच केंद्रीय गृहमंत्री अमित शहा हे महाराष्ट्र दौऱ्यावर होते. त्यामुळे २५ तसेच २९ सप्टेंबरचा मुख्यमंत्र्यांचा सोलापूर दौरा पुढे ढकलल्याची माहिती सूत्रांनी दिली.
त्यामुळे सहाव्यांदा मुख्यमंत्र्यांचा सोलापूर दौरा रद्द झाला आहे. रविवार, ६ ऑक्टोबर रोजी मुख्यमंत्री सोलापुरात येणार असल्याची माहिती जिल्हा प्रशासनातील वरिष्ठ अधिकाऱ्यांनी दिली.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”
विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
