मंगळवेढा टाईम्स न्युज नेटवर्क ।
नामवंत न्यूरोसर्जन डॉ. शिरीष वळसंगकर यांनी आपल्या पिस्टलमधून गोळी झाडून आत्महत्या केल्याच्या प्रकरणात पोलिसांकडून कसून सुरु असलेल्या तपासात संशयाची सुई ही कुटुंबीयांभोवती फिरत असल्याचे न सांगण्यात येत आहे. या प्रकाराचा लवकरच पूर्णपणे उलगडा होईल असेही आता पोलिसांकडून सांगण्यात येत आहे यामुळे आता या तपासाकडे साऱ्याचेच लक्ष लागून राहिले आहे.
डॉ. शिरीष वळसंगकर यांनी शुक्रवार, १८ एप्रिल २०२५ रोजी रात्री ८:४० वाजण्याच्या सुमारास स्वतःच्या घरी डोक्यात गोळी झाडून घेऊन आत्महत्या केली.
त्यांचे चिरंजीव डॉ. अश्विन वळसंगकर यांनी दिलेल्या सदर बझार पोलीस ठाण्यात दिलेल्या फिर्यादीवरुन हॉस्पीटलमध्ये प्रशासकीय अधिकारी म्हणून काम पाहणाऱ्या मनीषा मुसळे-माने (वय-४५, रा. बसवराज नेले नगर, जुळे सोलापूर) हिच्याविरुध्द गुन्हा दाखल करुन तिला अटक करण्यात आली.
न्यायालयासमोर तिला हजर केले असता न्यायदंडाधिकारी यांनी तीन दिवस पोलीस कोठडीत ठेवण्याचे आदेश दिले आहेत. तिची ही पोलीस कोठडी बुधवार, २२ एप्रिल २०२५ रोजी संपणार आहे. पोलिसांनी तिला उद्या न्यायालयासमोर हजर करुन तपासासाठी वाढीव पोलीस कोठडीची मागणी करणार आहेत. दरम्यान, पोलिसांकडून सुरु असलेल्या तपासात आणि चौकशीत काही वेगवेगळ्या गोष्टी पुढे आल्या आहेत. त्यादृष्टीने पोलिसांनी तपासाचा अँगल देखील बदलला आहे.
यामध्ये दोन वेगवेगळ्या बाबींवर संशय असल्याने पोलिसांनी या दोन्ही कारणांना डोळ्यासमोर ठेवून तपासाची गती वाढविली आहे. अटक करण्यात आलेल्या त्या महिलेबरोबर संशयाची सुई ही कुटुंबीयांभोवती फिरत असल्याने अधिक जोमाने तपासाची चक्रे फिरविण्यात आली आहे. यातील फिर्यादी डॉ. अश्विन वळसंगकर यांच्याकडून अधिक माहिती घेत डॉ. शिरीष वळसंगकर यांची सून डॉ. शोनिया वळसंगकर यांच्यासह इतरांकडे कसून चौकशी करण्यात येत आहे. दरम्यान, पोलीस प्रशासनाकडून याप्रकरणी कमालीची गुप्तता पाळण्यात येत आहे.
कॉल रेकॉर्ड तपासणीत गुप्तता
डॉ. शिरीष वळसंगकर यांच्या मोबाईल क्रमांकावरील संपूर्ण डाटा पोलिसांनी मिळविला आहे. कधी, कोणाचे कॉल आणि मेसेज प्राप्त झाले. त्यास डॉक्टरांनी काय उत्तर दिले. घटनेपुर्वी आणि घटनेच्या दिवशी कोणाकोणाचे कॉल आणि मेसेज आले, याची माहिती पोलिसांनी गोळा केली आहे. मात्र या रेकॉर्ड तपासणीत आढळलेल्या बाबींमध्ये पुढील तपासाच्या दृष्टीने पोलिसांनी गुप्तता पाळल्याचे दिसून आले.
दुहेरी कारण पुढे; पोलिसही अचंबित
डॉ. शिरीष वळसंगकर यांच्या आत्महत्येचा पोलिसांकडून चौफेर पध्दतीने तपास केला जात आहे. यातून अधिक संशय बळावत असलेली दोन कारणे पुढे येत असल्याने पोलीसही अचंबित झाल्याचे सांगण्यात येत आहे. रुग्णालयातील ‘त्या’ महिलेसह कुटुंबाभोवती संशयाची सुई फिरत असल्याने दोन्ही बाजूने तपास सुरू आहे, पण एका बाजूला टार्गेट करुन दुसरी बाजू झाकण्याचा प्रयत्न तर होत नाही ना? या अँगलने देखील पोलीस तपास करीत असल्याचे सांगण्यात आले.
अन् त्यांनी बदलले मृत्यूपत्र
डॉ. शिरीष वळसंगकर यांनी काही बाबींवरुन त्रास करुन घेतला असावा की त्यामुळे त्यांना टोकाची भूमिका घ्यावी लागली. शिवाय आपल्या वकिलांची भेट व सल्ल्यानुसार मृत्युपत्र देखील बदलल्याचा प्रकार पुढे येत असल्याने त्याची चौकशी आणि त्या बाजूने सखोल तपास केला जात असल्याचे सांगण्यात येत आहे. न्यायालयात यावर उद्या पोलिसांकडून प्रकाश टाकण्यात येण्याची शक्यता वर्तवली जात आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
