मंगळवेढा टाईम्स न्यूज नेटवर्क ।
वहिनीच्या बहिणीला चोरून फोन केल्याच्या कारणावरून झालेल्या भांडणाचा राग मनात धरून झोपलेल्या सहकारी वेटरचा डोक्यात दगड घालून खून केल्याची घटना घडली.
याप्रकरणी मध्य प्रदेशातील एका वेटरवर गुन्हा दाखल करण्यात आला आहे. ही घटना मोहोळ-पंढरपूर रोडवर पोखरापूर हद्दीत एका हॉटेलमध्ये घडली.
पोलिस सूत्राकडील माहितीनुसार, मोहोळ-पंढरपूर रोडवर पोखरापूर गावाच्या अलीकडे आकाश नावाचे शाकाहारी हॉटेल आहे.
त्या हॉटेलमध्ये वस्ताद म्हणून बालमुकुंद लवकुश चौधरी (रा. चचाई, ता, सेमरिया, मध्य प्रदेश), तर वेटर म्हणून धवेंद्र उर्फ संजू राजू यादव (रा. पतौडी, जि. सटना, राज्य मध्य प्रदेश) व संदीप रामनरेश यादव (रा. चचाई, ता. सेमरिया, मध्य प्रदेश) व अन्य कामगार काम करतात.
यापैकी परराज्यातील हे कामगार हॉटेलच्या पाठीमागील रूममध्येच राहतात. २२ मे रोजी हॉटेलचे मालक धनाजी वामन गायकवाड यांना पहाटे ६ वाजेच्या सुमारास
हॉटेलवरील वस्ताद बालमुकुंद चौधरी याने फोन करून धवेंद्र उर्फ संजू राजू यादव याच्या डोक्यात दगड घालून संदीप रामनरेश यादव हा मित्रासोबत पळून गेला, अशी माहिती दिली.
याबाबत हॉटेलमालक धनाजी गायकवाड यांनी दिलेल्या फिर्यादीनुसार, धवेंद्र उर्फ संजू राजू यादव याने आरोपीच्या वहिनीच्या बहिणीला चोरून फोन केल्याच्या कारणावरून झालेल्या भांडणाचा राग मनात धरून
सहकारी वेटरला झोपलेल्या ठिकाणी डोक्यात दगड मारून खून केला. प्रकरणी संदीप रामनरेश यादव विरोधात खुनाचा गुन्हा दाखल करण्यात आला आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
