मंगळवेढा टाईम्स न्युज नेटवर्क ।
बठाण, उचेठाण येथून दररोज बेसुमार अवैध वाळू उपसा सुरू असून बिगर पावती वाळू वाहतूक केली जात असून यासंदर्भात निवेदन देऊन देखील महसूल व पोलीस प्रशासनाने दखल न घेतल्यामुळे सामाजिक कार्यकर्ते प्रकाश खंदारे यांनी शुक्रवार दि.9 मे रोजी तहसीलदार दालनासमोर आत्मदहन करण्याचा इशारा दिला आहे.
खंदारे यांनी दिलेल्या निवेदनात म्हटले आहे की, वेळोवेळी लेखी तक्रारीवर आज तागायत पर्वत तहसिलदार यांच्याकडून कोणताही निर्णय घेतला गेला नाही. याचेच कारण असे दिसून येत आहे की, शासनाचे सर्व अधिकारी हे संगनमताने आर्थिक देवाणघेवाण करत असावेत अशी शंका निर्माण होत आहे.
त्याचे कारण असे आहे की, मी आजपर्यंत अनेकदा लेखी अर्ज करून तक्रारी केल्या. बोंबमारो आंदोलन केले. तसेच महाराष्ट्र राज्याचे महसुल मंत्री, जिल्हाधिकारी कार्यालय, पोलिस अधिक्षक कार्यालय यांच्याकडे लेखी अर्ज केले. तसेच प्रेस मिडीया, ईलेक्ट्रीकल मिडीया यांनी बातम्या लावून धरल्या.
तरीदेखील अधिकाऱ्यांना त्याचे काहीही गांभीर्य नसून उलट एकूणच सरळपणे माझ्या सर्व तक्रारींकडे मुद्दामपणे दुर्लक्ष करण्यात आलेले आहे. तसेच मी वाळू ठेकेदारासंदर्भात लेखी तक्रार देऊन सुध्दा जाणीवपूर्वकपणे दुर्लक्ष केलं जात आहे व त्यांच्याविरूध्द कोणत्याही प्रकारची कारवाई केली गेली नाही.
सद्यस्थितीत शासनाच्या नियमांचे पूर्णपणे उल्लंघन करून वाळूचा उपसा राजरोसपणे चालूच आहे. एकंदरीतच या प्रकरणावरून असे दिसून येते की, सर्वसामान्य तसेच गोरगरीब जनतेने आपल्या समस्यांबाबत शासन दरबारी आपले म्हणणे मांडावे की नाही हा प्रश्न आज उ‌द्भवत आहे.
तसेच गोरगरीब जनतेने नेमकी दाद कोणाकडे मागावी हा महत्वाचा प्रश्न जनसामान्यातून उपस्थित होत आहे. तसेच हे शासन हुकूमशाहीचे वाटू लागले आहे. अशा स्वरूपाची चर्चा या प्रकरणावरून सर्व जनतेतून होत असल्याची दिसून येत आहे.
एकंदरीतच माझ्या सर्व तक्रारींना शासनाच्या अधिकाऱ्याकडून अक्षरशः केराच्या टोपलीत टाकल्यासारखी परिस्थिती निर्माण झालेली आहे.
मी यासंदर्भात शासन स्तरावर लेखी तक्रारीद्वारे अर्ज करून देखील माझ्या अर्जचा कसल्याही प्रकारचा विचार केला नाही, तसेच मी अज्ञातस्थळी आत्मदहन करणार आहे.
हे मी तहसिलदार यांच्याकडे लेखी अर्जाद्वारे सांगितलेले असून सुध्दा त्यांच्याकडून माझ्या अर्जाकडे जाणीवपूर्वकपणे दुर्लक्ष केलं जात आहे. एकंदरीतच मला स्वतःला मरणास प्रवृत्त केल्यासारखीच परिस्थिती मला दिसून येत आहे.
म्हणून मी दि.९ मे रोजी दुपारी १२ वा. तहसिलदार दालनासमोर प्रेस मिडीया, इलेक्ट्रीकल मिडीया सोबत घेऊन आत्मदहन करणार असल्याचा इशारा प्रकाश खंदारे यांनी दिला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
