टीम मंगळवेढा टाईम्स ।
अनैतिक संबंधाच्या आड येणाऱ्या शिक्षक पतीचा प्रियकराच्या मदतीने खून करून गळफास घेतल्याचा बनाव केल्याप्रकरणी पत्नी इंदिरा सत्यवान कांबळे, प्रशांत अशोक पवार ( वय ३२ रा.कुपवाड ता. मिरज )
व त्यांचे साथीदार अजय परशूराम घाडगे ( वय २४ रा . समडोळी ), शाहरूख रफिक शेख ( वय २४ रा . कुपवाड ) या चौघांना पोलिसांनी अटक करून न्यायालयात उभे केले असता आठ दिवसाची पोलिस कोठडी सुनावली आहे.
पोलिस सुत्रांनी दिलेली माहिती अशी, यातील मयत शिक्षक पती सत्यवान कांबळे हा मुळचा रड्डे ता. मंगळवेढा येथील असून तो उमदी येथील डॅफोडिल हायस्कूलमध्ये शिक्षक म्हणून कार्यरत आहे.
कांबळे यांचे लग्न शिवणगी येथील इंदिरा हिजबरोबर सन २०१६ मध्ये झाले होते. मयत सत्यवान यास दोन मुले असून तो शिवणगी येथे रहावयास होता.
गेल्या सात दिवसापासून मयत हे रड्डे येथील त्याचे वडीलाकडे शाळा संपल्यानंतर मुक्कामाला येत असल्याने वडिलांनी माझ्याकडे मुक्कामाला का येतोस अशी विचारणा केली असता पत्नी इंदिरा नीट वागत नसून
तीचे अन्य एकासोबत अनैतिक संबंध असल्याने ती माझ्या जीवाचे बरे वाईट करील या भितीने मी इकडे येत असल्याचे त्याने सांगितल्यावर वडिलांनी त्याला समजावून सांगून तुझ्या लहान मुलाकडे बघून घरी जा, असे म्हणाल्याने तो रविवारी संध्याकाळी शिवणगी येथील त्याच्या घरी रहावयास गेला होता.
दि.९ च्या पहाटे ५.३० वा. यातील फिर्यादी तथा मयताचे वडील मच्छिंद्र कांबळे (रा.रड्डे) यांना पुणे येथून भाचा याने फोन करून सत्यवान याने गळफास घेतला आहे तुम्ही घरातील सर्वजण या असे सांगितल्यावर हे शिवणगीला सकाळी ९ .०० च्या
दरम्यान पोहोचले तेव्हा मयत सत्यवान यास घराच्या छताच्या लोखंडी हुकास दोरीने गळफास दिल्याचे निदर्शनास आले.
सत्यवान याचे प्रेताची सुक्ष्म पहाणी केली असता त्याचे तोंडावर, दोन्ही गालावर मारलेले व्रण व नाकातून आलेले रक्त दिसले.
तसेच ओठाखाली, हनुवटीजवळ, पाठीवर, उजवे पायाच्या गुडघ्यावर जखमा दिसून आल्या.त्याचबरोबर फरशीवर रक्त पडलेले व गळफास दिलेल्या दोरीस रक्ताचे डाग दिसून आले.
याबाबत आरोपी तथा पत्नी इंदिरा हिला विचारले असता काही माहित नसल्याचे सांगितले. या सर्व एकंदरीत परिस्थितीवरून अनैतिक संबंधाच्या कारणावरून गळफास देवून मुलगा सत्यवान याचा खून केला असल्याचे दिलेल्या फिर्यादीत मयताचे वडील मच्छिंद्र कांबळे यांनी म्हटले आहे.
या घटनेतील चार आरोपींना तपासिक अंमलदार तथा डी.वाय.एस.पी. राजश्री पाटील यांनी अटक करून मंगळवेढा न्यायालयात उभे केले.
यावेळी खूनाच्या तपासात अन्य कोणाचा समावेश आहे का, वाहन जप्त करणे व अन्य मुद्दे न्यायालयासमोर मांडल्यानंतर न्यायालयाने दि .१७ मार्चपर्यंत पोलिस कोठडी सुनावली आहे.
दरम्यान प्रेमात अडसर ठरलेल्या प्रकरणाचा तपास खून करण्यासाठी सहाय्यक पोलिस निरिक्षक अमोल बामणे, सहाय्यक फौजदार अशोक बाबर, पोलिस हवालदार दत्तात्रय तोंडले, पोलिस नाईक वंदना अहिरे, सुनिल मोरे, शिवाजी पवार, सुरज देशमुख आदी टिम परिश्रम घेत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
