टीम मंगळवेढा टाईम्स ।
पत्नीच्या प्रेमासाठी वाट्टेल ते करण्याच्या घटना आजपर्यंत घडलेल्या आपण पाहिल्या आहेत. पण पत्नीच्या विरहात देहत्याग करण्याच्या घटना अत्यंत दुर्मिळ आहेत. अशीच घटना मंगळवेढा तालुक्यातील सिद्धनकेरी या गावात घडली आहे.
या गावातील एका महिलेने आत्महत्या केली. पत्नीने आत्महत्या केली म्हणून पत्नीच्या विरहात पतीनेही अगदी चौथ्याच दिवशी आत्महत्या केल्यामुळे सिद्धनकेरी गावासह संपूर्ण मंगळवेढा तालुक्यावर शोककळा पसरली आहे.
या घटनेची संपूर्ण माहिती अशी की, सिद्धनकेरी या गावातील सिद्धेश्वर शरणाप्पा कोरे (वय 32) व जयश्री सिद्धेश्वर थोरे हे दांपत्य नोकरीनिमित्त पुणे येथे राहत होते.
चार दिवसांपूर्वी पत्नी जयश्री हिने पुणे येथे हे दाम्पत्य ज्या घरात राहत होते त्या घरी एकटी असताना आत्महत्या केली. पत्नी जयश्री हिच्या आत्महत्येनंतर अगदी चारच दिवसात
गुरुवार दि.28 रोजी सकाळी साडेपाच ते साडेसहाच्या दरम्यान घरातील सर्वजण शेतात गेल्यानंतर पत्र्याच्या अॅंगलला जनावरे बांधण्याच्या दोरीच्या साहाय्याने गळफास घेऊन आत्महत्या केली. या घटनेची पोलिसांत नोंद झाली आहे. अधिक तपास पोलीस करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
