टीम मंगळवेढा टाईम्स ।
हिंदी सिनेमातील बिग बी, अँग्री यंग मॅन या नावाने प्रसिद्ध असलेले अभिनेता अमिताभ बच्चन यांच्या 80 व्या वाढदिवसानिमित्त मंगळवेढा मित्र परिवार सोलापूर यांच्या वतीने शिव स्मारक सोलापूर येथे मंगळवेढा येथील सूरसंगम ग्रुपचा हिंदी गीतांचा ट्रॅक-शो संपन्न झाला.
या कार्यक्रमाचे उदघाटन उद्योजक संजय आवताडे यांचे हस्ते व जनकल्याण मल्टीस्टेटसचे चेअरमन राजेंद्र हजारे यांच्या अध्यक्षतेखाली संपन्न झाला.
प्रमुख पाहुणे म्हणून डॉ.नितीन तोष्णीवाल, संगीतकार जब्बार मुर्शद उपस्थित होते. तर सोलापूरचे नगरसेवक विनोद भोसले, अ.भा.नाटय परिषद उपनगरीय शाखेचे अध्यक्ष विजय साळुंखे,
नृत्य परिषदेचे अध्यक्ष महेश निकंबे, सिझ्झलर्स ग्रुप ऑफ अॅक्टीव्हिटीचे सी.ई.ओ.अॅड.संतोष देशमुख, सिनेट सदस्य गणेश डोंगरे, उद्योजक नंदन शहा, जि.प.सदस्य नितीन नकाते, वीरशैव पतसंस्थेचे चेअरमन अॅड.शैलेश हावनाळे,
उद्योजक तानाजी जाधव, नाटय परिषद नियामक मंडळाचे सदस्य जे.पी.कुलकर्णी, इंजि.सत्यशील पाटील, नगरअभियंता ढगे,नारायण नागणे आदि उपस्थित होते.
यावेळी सोलापूर येथील प्रसिद्ध डॉ.नितीन तोष्णीवाल यांनी मी अमिताभ बच्चन यांचा फ ॅन कसा झालो याबद्दल मनोगत व्यक्त केले.
लहानपणी त्यांचे सिनेमे पाहून डायलॉग पाठ करायचो ते डायलॉग आज देखील तोंडपाठ आहेत. त्यांनी डायलॉग म्हणून दाखवले व उपस्थितांची मने जिंकली.
विजय साळुंखे म्हणाले, आज सिने क्षेत्रातील महान कलाकार अमिताभ बच्चन यांच्या वाढदिवसानिमित्त मंगळवेढा येथील प्रसिद्ध गायक कलाकारांचा गाण्याचा कार्यक्रम आयोजित करण्यात आला आहे ही गोष्ट खरोखर आनंदाची पर्वणी आहे.
अमिताभ बच्चन यांनी गेली 55 ते 60 वर्ष झाली या सिने जगतात आपले नांव कायम ठेवले आहे. त्यांच्या नावाचा दबदबा अजून ही कायम आहे.
राजेंद्र हजारे यांनी ही अमिताभ बच्चन यांच्या वाढदिवसाच्या शुभेच्छा देऊन मनोगत व्यक्त केले.
या कार्यक्रमात सूरसंगम ग्रुपचे दिगंबर भगरे, लहू ढगे, संतोष ढावरे,निशीकांत प्रचंडराव,संगीता इंगोले,अजय सरवदे आदिंनी अमिताभ बच्चन यांचेवर चित्रीत झालेली गाणी सादर केली.
या कार्यक्रमास यशवंत चंदशिवे, प्रा.डी.एन.जाधव, कमलेश शहा, रोहन नंदाने, मयुरेश माणकेश्वर, विलास राठोड, मुन्ना राठोड, शिवम माने, दत्तात्रय इंगोले आदि उपस्थित होते.
या कार्यक्रमाचे प्रास्तविक व सूत्रसंचालन दिगंबर यादव यांनी केले तर आभार रमेश खाडे यांनी मानले.
हा कार्यक्रम यशस्वी करण्यासाठी मंगळवेढा मित्र परिवार सोलापूरचे उपाध्यक्ष नारायण नागणे,सचिव तानाजी तानगावडे, रमेश खाडे, प्रकाश हाके, लक्ष्मण गवळी, संग्राम पवार, रवींद्र जाधव, दत्तात्रय वाघमारे आदींनी परिश्रम घेतले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
