टीम मंगळवेढा टाईम्स ।
सोलापूर जिल्हा परिषद प्राथमिक शिक्षण विभागाचे शिक्षणाधिकारी संजयकुमार राठोड यांची सांगली येथे बदली झाली आहे. मात्र, सोलापूर येथे नेमणूक करण्यात शिक्षणाधिकारी किरण लोहार हे रुजू होत नसल्याने राठोड यांना तात्काळ कार्यमुक्त करून
तात्पुरता पदभार उपशिक्षणाधिकारी संजय जावीर यांच्याकडे देण्यात यावा, अशी मागणी आपण व जिल्हा परिषदेचे अध्यक्ष अनिरुध्द कांबळे यांनी मुख्य कार्यकारी अधिकारी दिलीप स्वामी यांच्याकडे केल्याची माहिती जिल्हा परिषदेचे उपाध्यक्ष तथा शिक्षण समितीचे सभापती दिलीप चव्हाण यांनी दिली.
जिल्हा परिषद प्राथमिक शिक्षण विभागात सध्या खुर्चीचा खेळ सुरू असून जुने उत्साहात काम करेनात अन् नवीन रुजु होईनात या प्रकाराने हतबलता वाढली आहे.
यासंदर्भात सीईओ स्वामी कोणता निर्णय घेणार याकडे सर्वांच्याच नजरा लागल्या आहेत. यापूर्वी राठोड यांची बदली उस्मानाबाद येथे झाली होती.
त्यानंतर शिक्षण विभागाने ही बदली रद्द करून राठोड यांच्या विनंतीवरून त्यांची बदली सांगली येथे शिक्षणाधिकारी म्हणून केली आहे.
मात्र , कोल्हापूर माध्यमिक शिक्षणाधिकारी किरण लोहार यांची बदली सोलापूरचे प्राथमिक शिक्षण अधिकारी म्हणून करण्यात आली आहे.
परंतु, लोहार यांनी अद्याप पदभार घेतला नाही. त्यामुळे राठोड यांना तात्काळ कार्यमुक्त करून त्यांचा पदभार प्राथमिक शिक्षण विभागातील उपशिक्षणाधिकारी संजय जावीर यांच्याकडे देण्यात यावा, अशी मागणी जि.प. अध्यक्ष अनिरुद्ध कांबळे , उपाध्यक्ष दिलीप चव्हाण यांनी सीईओंकडे केली आहे.(स्रोत;पुण्यनगरी)
तात्पुरता पदभार घेण्यास जावीर अनुत्सुक
तात्पुरता पदभार घेण्यास जावीर अनुत्सुक जि.प.अध्यक्ष आणि उपाध्यक्ष यांनी राठोड यांना कार्यमुक्त करून त्यांचा पदभारउपशिक्षणाधिकारी संजय जावीरयांच्याकडे देण्याच्या सूचना मुख्य कार्यकारीअधिकारी दिलीप स्वामीयांना केल्या आहेत. मात्र, तात्पुरता पदभार घेण्यास जावीर हे उत्सुक नसल्याचे बोलले जात आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
