टीम मंगळवेढा टाईम्स।
मंगळवेढा तालुक्यातील भाळवणी येथे गुटख्याची विक्री करण्याच्या हेतूने एका तरूणाने आपल्या राहते घरासमोर खड्डा खणून ३१ हजार ४४० रुपये किमतीचा अवैध गुटख्याचा साठा केल्याप्रकरणी सदाशिव महादेव वाडेकर याच्याविरूध्द गुन्हा दाखल करून त्याला पोलिसांनी ताब्यात घेतले आहे.
पोलिस सुत्रांनी माहिती अशी, यातील आरोपी सदाशिव वाडेकर हा मूळचा भाळवणी येथील असून यापुर्वीही त्याच्याविरूध्द अवैध गुटखा प्रकरणी गुन्हे दाखल आहेत.
कर्नाटकातील चडचणहद्द जवळ असल्याने आरोपी हा वारंवार गुटखा आणून परिसरात तो विकत असल्याचे यापुर्वीही उघड झाले होते.
आरोपीने नुकतेच वाडेकर वस्तीवर राहते घरासमोर खड्डयात एम सेंटेड तंबाखू ४ बॉक्स, विमल पान मसाला १५० पाकिटे, व्हि १ सुगंधीत तंबाखू १५० पाकिटे, सुपर पान मसाला १५० पाकिटे,
एस.९९ सुगंधीत तंबाखू ५० पाकिटे असा मुद्देमाल खड्डा खणून विक्री करण्याच्या उद्देशाने ठेवला असल्याची गोपनीय माहिती डी. वाय.एस.पी. राजश्री पाटील यांना मिळताच
त्यांच्या मार्गदर्शनाखाली पोलिस निरिक्षक रणजित माने यांनी पोलिसांचे पथक पाठवून सदर साठा जप्त केला.
व या गुटख्याच्या कारवाईबाबत अन्न व औषध प्रशासनचे उमेश भुसे यांना कळविल्यानंतर त्यांनी मंगळवेढा पोलिसात येवून त्या संदर्भात फिर्याद देवून आरोपी सदाशिव वाडेकर याच्याविरूध्द गुन्हा दाखल करून
सदरचा प्रतिबंधित पदार्थ कोठून आणला, तो कोणाकडे पुरवठा करावयाचा होता याबाबत सविस्तर तपास व्हावा असे दिलेल्या फिर्यादीत म्हटले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
