टीम मंगळवेढा टाईम्स ।
सोलापूर जिल्ह्यातील एका तालुक्यात ग्रामसेवकाने गटविकास अधिकाऱ्यांच्या दालनात चक्क दारू पिऊन धिंगाणा घातला आहे.
अक्कलकोट येथील गटविकास अधिकारी ( बीडीओ ) कार्यालयामध्ये ग्रामसेवक मल्लीनाथ सातप्पा जिडगी (वय ४५ , रा . म्हाडा कॉलनी , अक्कलकोट) यांनी
दुपारी नशेत गोंधळ घातल्याने अक्कलकोट उत्तर पोलिस ठाण्यात गुन्हा दाखल केला आहे. याची फिर्याद विस्तार अधिकारी शंकर गणपती घुगरे ( वय ५७ वर्ष ) यांनी दिली.
फिर्यादी बीडीओ कार्यालयामध्ये हजर असताना ग्रामसेवक जिडगी हे दारु पिऊन गोंधळ घालत होते. त्यास गटविकास अधिकारी खुडे , तसेच सहकारी भीमा तुळजापुरे,
प्रकाश कोळी, दयानंद परिचारक आदी समजावून सांगत असताना ते कोणाचेही ऐकूण घेत नव्हते . गटविकास अधिकाऱ्यांनी पोलिस स्टेशनला फोन करून पोलिसांना बोलावले.
पोलिसांच्या मदतीने दवाखान्यात डॉक्टरांनी वैद्यकिय तपासणी केली व त्याच्याविरुध्द अक्कलकोट उत्तर पोलिस ठाण्यात गुन्हा दाखल करण्यात आला.
अक्कलकोटच्या युवकास पाच लाखाला फसविले
नालासोपारा व नाशिक येथील पाच जणांनी मिळून अक्कलकोट येथील युवकास जेसीबी विकत देतो, असे सांगून वेळोवेळी पैसे घेऊन सुमारे पाच लाख ३८ हजार रुपयांची फसवणूक केली.
२०२१ मधील या घटनेची अक्कलकोट उत्तर पोलिस ठाण्यात आज नोंद झाली आहे . पोलिसांनी दिलेली माहिती अशी , फिर्यादीचे नाव शिवू नानू चव्हाण (वय २८ रा . हैद्रा , ता . अक्कलकोट) असे आहे.
या गुन्ह्यातील संशयित आरोपीचे नाव श्रीकांत हेमलु राठोड ( बिलालपाडा , रा . नालासोफारा ) , रमाशंकर शंकरप्रसाद तिवारी ( बिलालपाडा , नालासोफारा ) , शकिफ अन्वर खान , अरीफ लतीफ खान व मुझफरभाई तिघे ( रा . नाशिक ) अशी आहेत.
या संशयितांनी जेसीबी मशिन देतो म्हणून फिर्यादीकडून पाच लाख २८ हजार रुपये घेऊन जेसीबी न देता फसवणूक केल्याची तक्रार फिर्यादीने अक्कलकोट उत्तर पोलिस ठाण्यात दिली आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज