टीम मंगळवेढा टाईम्स ।
आषाढी यात्रेच्या एकादशी सोहळ्यासाठी आलेल्या लाखो भाविकांनी आम्ही जातो आमच्या गावा, आमचा निरोप घ्यावा, असे म्हणत जड अंत:करणाने विठ्ठलाच्या पंढरी नगरीचा निरोप घेतला.
आषाढी यात्रा सोहळ्यानिमित्त नवमीदिवशी भाविकांनी पंढरपुरात गर्दी केली होती. राज्याच्या कानाकोपऱ्यातून भाविक पंढरीत दाखल झाले होते.
पंढरपुरातील श्री संत कैकाडी महाराज मठ, श्री गजानन महाराज मठ, श्री संत तनपुरे महाराज मठ, त्याचबरोबर शहरातील विविध मठ, लॉज, श्री विठ्ठल रुक्मिणी मंदिर समितीचे भक्त निवास येथे भाविकांनी मुक्काम केला होता.
श्री विठ्ठल-रुक्मिणी मातेच्या पदस्पर्श दर्शनासाठी पत्रा शेड ओलांडून गोपाळपूर येथील लिंगायत स्मशानभूमीपर्यंत दर्शन रांग गेली होती. चंद्रभागेचे पवित्र स्नान करून भाविक विठ्ठलाचे दर्शन घेत होते.
शहरात वाढलेल्या गर्दीचा व इतर जिल्ह्यातून आलेल्या छोट्या-मोठ्या व्यापाऱ्यांनी रस्त्यावर दुकाने थाटली होती. त्यामुळे रस्त्यावर अधिकच गर्दी झाली होती.
आषाढी यात्रेच्या एकादशी सोहळ्यानंतर अनेक भाविक जमले तर विठ्ठलाचे दर्शन घेत होते, अन्यथा मंदिराला प्रदक्षिणा मारून विठ्ठल मंदिराच्या कळसाचे दर्शन घेऊन खासगी वाहन, एसटी बस व रेल्वेने आपल्या गावी परतत होते.
यामुळे शहरातून बाहेर जाणाऱ्या रस्त्यांवर वाहनांची गर्दी झाली. तसेच रेल्वे स्टेशन व बसस्थानकावर भाविकांची गर्दी झाली होती.
चौकाचौकात वाहतूक पोलिस कर्मचारी तैनात…
शहरातून बाहेर पडणाऱ्या भाविकांच्या वाहनांची संख्या अधिक होती. रस्त्यावर वाहतुकीची कोंडी होऊ नये, यासाठी प्रत्येक चौकाचौकात वाहतूक पोलिस कर्मचारी तैनात करण्यात आले होते.
यामुळे पंढरपूर शहरातील रस्त्यावर वाहतुकीची कोंडी झाली नाही व भाविकांना रस्त्यावर तासनतास उभे राहावे लागले नाही.(स्रोत:लोकमत)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
![ताज्या बातम्या थेट मोबाईलवर मिळवण्यासाठी आजच जॉईन व्हा ताज्या बातम्या थेट मोबाईलवर मिळवण्यासाठी आजच जॉईन व्हा](https://mangalwedhatimes.in/wp-content/uploads/2021/12/WhatsApp-Add.gif)
बातम्या सर्वप्रथम जाणून घेण्याकरिता लाईक करा आमचे फेसबुक पेज