धक्कादायक! मुलीचा मोबाइल नंबर मागितला, तरुणास मारहाण; मंगळवेढा पोलिसात तिघांवर गुन्हा दाखल

टीम मंगळवेढा टाईम्स ।

एका मुलीचा मोबाइल नंबर मागितल्याच्या कारणावरून १९ वर्षीय मुलास जीवे मारण्याच्या उद्देशाने काठीने बेदम मारहाण करून गंभीर जखमी केल्याप्रकरणी

हरी ताड त्यांचा मुलगा व त्यांची पत्नी (नाव माहित नाही) या तिघांविरूध्द मंगळवेढा पोलिसात गुन्हा दाखल झाला आहे. ही घटना दि. १६ एप्रिल रोजी दुपारी तीन वाजता शहरातील खोमनाळ नाका येथे घडली आहे.

याबाबत सविस्तर माहिती अशी, यातील फिर्यादी लक्ष्मण शिंदे (रा.ओझेवाडी) यांचा मुलगा प्रदीप हा मंगळवेढा येथे दत्तात्रय हजारे यांच्या फॅब्रिकेशन दुकानात दोन वर्षापासून कामास आहे.

दि. १६ एप्रिल रोजी प्रदीप हा नेहमीप्रमाणे तो दुकानात कामाला जातो, असे सांगून ओझेवाडी येथून मंगळवेढ्यास गेला.

दुपारी तीन वाजण्याच्या सुमारास दुकानासमोर बसला असताना अचानक संशयित आरोपींनी डोक्यात काठीने मारहाण करून गंभीर जखमी केले.

दुकानमालक दत्तात्रय हजारे यांनी दुपारी ४ वाजता फिर्यादीस फोन करून सांगितले तुमच्या मुलास आरोपी हरी ताड याने काठीने डोक्यात मारून गंभीर जखमी केले आहे.

तसेच साक्षीदार यांनी जखमी प्रदीप शिंदे यास का मारतो? तो मरेल असे आरोपीस म्हटले असता मेला तर मरू दे, दोन एकर जमीन जाईल. मात्र याला जिवंत सोडणार नाही, असे म्हटले.

तसेच त्याला उपचारासाठी मंगळवेढा ग्रामीण रुग्णालय येथे नेऊन पुढील उपचारासाठी खासगी दवाखान्यात दाखल केले.

पोलिसांनी आरोपीविरोधात जीवे ठार मारण्याचा प्रयत्न केल्याचा गुन्हा दाखल केला आहे. तपास सहायक पोलिस निरीक्षक बापूसाहेब पिंगळे करीत आहेत.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज