आंतरराष्ट्रीय योगदिनानिमित्त मंगळवेढ्यात योग शिबिराचे आयोजन; ‘या’ ठिकाणी होणार शिबीर

टीम मंगळवेढा टाईम्स ।

आंतरराष्ट्रीय सातव्या योगदिनानिमित्त उद्या सोमवार दि.21 जून रोजी मंगळवेढा नगरपरिषदेच्या गणेश बागेत सकाळी 6.30 वाजता पतंजली योग समिती मंगळवेढा व महाराष्ट्रच्या वतीने योग शिबिराचे आयोजन करण्यात आले आहे.

पंढरपूर-मंगळवेढा मतदारसंघाचे आमदार समाधान आवताडे, प्रांताधिकारी उदयसिंह भोसले, गटविकास अधिकारी सौ. सुप्रिया चव्हाण, तहसीलदार स्वप्नील रावडे, उपविभागीय पोलीस अधिकारी राजश्री पाटील, पोलीस निरीक्षक ज्योतिराम गुंजवटे,गटशिक्षणाधिकारी पोपट लवटे व नगरपरिषद सर्व शासकीय अधिकारी आदी या शिबिरास उपस्थित राहणार आहेत.

दरवर्षी आंतरराष्ट्रीय योग दिन मोठ्या प्रमाणात साजरा केला जातो. परंतु यावर्षी कोरोनाच्या पार्श्वभूमीवर मास्क,सनेटायझरचा वापर सुरक्षित अंतर ठेवून हा योग दिवस साजरा केला जाणार आहे.

योग शिबिरा प्रसंगी योग,प्राणायाम,आहार ,रोग प्रतिकारक्षमता वाढविण्यासाठीचे मार्गदर्शन होणार आहे.तरी सर्वांनी या योग शिबिराचा लाभ घ्यावा असे पतंजली योग समिती तर्फे आवाहन करण्यात आले आहे.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.