टीम मंगळवेढा टाईम्स।
मंगळवेढा पोलिस ठाण्यात कार्यरत असलेल्या दोन महिला पोलिस व दोन पुरुष पोलिस असे चार जण शनिवारी पॉझिटिव्ह आले असून त्यांना होम क्वारंटाईन करण्यात आले आहे.
दरम्यान आत्तापर्यंत एकूण 18 पोलिस कर्मचारी पॉझिटिव्ह आले असून ज्यांची क्वारंटाईन मुदत संपली आहे ते तंदुरुस्त होवून कामावर हजर झाल्याचे पोलिस सुत्रांकडून सांगण्यात आले.
मंगळवेढा पोलिस ठाण्यात कार्यरत असलेल्या दोन महिला पोलिस,एक पोलिस नाईक,एक पोलिस शिपाई असे चौघेजण नुकतेच पॉझिटिव्ह आले असून त्यांना होम क्वारंटाईन करण्यात आले आहे.
मागील दहा दिवसापुर्वी 8 पोलिस कर्मचारी पॉझिटिव्ह आले होते.याच दरम्यान 9 कैदीही पॉझिटिव्ह आले होते. एकूण आत्तापर्यंत 18 जण पॉझिटिव्ह आले आहेत.
सध्याच्या हवामान बदलामुळे ताप, सर्दी, खोकला व अंगदुखी अशी लक्षणे रुग्णांमध्ये दिसून येत आहेत. या वातावरणामुळे रुग्णसंख्येत दिवसेंदिवस भर पडत आहे.
पोलिस कर्मचार्‍याबरोबर एक अधिकारीही पॉझिटिव्ह आले होते. सध्या ते तंदुरुस्त होवून कामावर हजर झाले आहेत. पोलिस कर्मचारीही क्वारंटाईन मुदत संपल्यानंतर टप्याटप्प्याने हजर होत असल्याचे दिसून येत आहे.
पोलिस कर्मचारी संख्या कमी असल्यामुळे पॉझिटिव्ह आल्याने पोलिस प्रशासनास जनतेची कामे करताना ओढाताण होत आहे. पोलिस दल,कैदी त्याचबरोबर आरोग्य विभागातील कर्मचारीही पॉझिटिव्ह येत आहेत.
खुद्द आरोग्य विभागातील जबाबदार अधिकारीच पॉझिटिव्ह आल्याने आरोग्य विभागातील इतर कर्मचारी भयभीत झाले असून त्यांचीही लवकरच टेस्ट करण्यात येणार असल्याचे आरोग्य विभागाकडून सांगण्यात आले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
