मंगळवेढा टाईम्स न्युज नेटवर्किंग ।
मंगळवेढा तालुक्यातील खुपसंगी येथे पहाटे पाच वाजता घराचा दरवाजा पुढे करुन कुटूंबिय झोपले असता अज्ञात चोरट्याने घरात प्रवेश करुन लोखंडी कपाटात ठेवलेले चांदीचे दागिने व रोख रक्कम असा एकूण 62 हजार रुपये किंमतीचा मुद्देमाल चोरुन नेल्याप्रकरणी अज्ञात चोरटयाविरुध्द मंगळवेढा पोलीसात गुन्हा दाखल झाला आहे.
पोलीस सुत्रांनी दिलेली माहिती अशी,यातील फिर्यादी नेमा चौगुले (रा.खुपसंगी) हे दि.28 च्या पहाटे 5.15 वाजता घराचा दरवाजा पुढे करुन झोपले असताना अज्ञार चोरट्याने घरात प्रवेश करुन लोखंडी कपाटात ठेवलेले 32 हजार रुपये किंमतीचे चांदीचे पैंजण,
बिंदली,छल्ला, मासळी आदी तसेच 30 हजार रुपये रोख रक्कम असा एकूण 62 हजार रुपये किंमतीचा मुद्देमाल फिर्यादीच्या संमती शिवाय लबाडीने चोरुन नेला आहे. याचा अधिक तपास पोलीस करीत आहेत.
ब्रम्हपुरीत चोरट्याने हातोहात शेळी पळविली; अज्ञात चोरटयाविरुध्द गुन्हा दाखल…
मंगळवेढा तालुक्यातील ब्रम्हपुरी येथे घराच्या समोर बांधलेली 4 हजार 800 रुपये किंमतीची शेळी चोरट्याने चोरुन नेण्याचा प्रकार घडला असून या प्रकरणी अज्ञात चोरट्याविरुध्द पोलीसात गुन्हा दाखल झाला आहे.
दरम्यान मंगळवेढा तालुक्यात शेळ्या चोर,घरफोड्या, मका चोरी,हरभरा पिक चोरी आदी घटनांची चोरीची मालिका सुरु असून पोलीस चोरट्यांना पकडण्यात अपयशी ठरत असल्याने दिवसें दिवस चोरट्यांचे बळ वाढत असल्याने जिल्हा पोलीस अधिक्षक अतुल कुलकर्णी यांनी मंगळवेढ्यात लक्ष घालून चोरट्यांना अटकाव करावा अशी मागणी नागरिकामधून पुढे येत आहे.
पोलीस सुत्रांनी दिलेली माहिती अशी,यातील फिर्यादी पांडुरंग लवटे हे दि.27 रोजी रात्री 10 वाजता जेवणखाण करुन घराच्यासमोर शेळ्या जवळ झोपले होते. रात्री 1.15 वाजता घराच्या समोर बांधलेली 4 हजार 800 रुपये किंमतीची शेळी अज्ञात चोरट्याने चोरुन नेली आहे.
शेळ्याचा ओरडण्याचा आवाज आल्यानंतर यातील फिर्यादी जागे झाले व त्यांनी समोर पाहिले असता एका शिफ्ट कार गाडी मध्ये चोरटे शेळी घालून वेगाने कारगाडी घेवून निघून गेले.
दरम्यान आत्तापर्यंत अनेक ठिकाणी शेळ्या चोरीच्या घटना घडल्या आहेत. घरफोड्या,शेळ्या चोरी, मका चोरी, हरभार पिक चोरी आदी चोरीच्या घटना घडूनही पोलीसांना आजअखेर एकही चोर पकडता न आल्याने मंगळवेढा पोलीसाची निष्क्रीयता उघड झाली आहे.
चोर चोरी करत आहेत. पोलीसांना शोधण्यात अपयश येत असल्यामुळे दिवसेंदिवस चोरीच्या घटनेत वाढत होत असून चोरटे सापडत नसल्यामूळे चोरट्यांना बळ मिळत आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
